Chapter 316 You!

(Monina POV)

Nang magising ako. Tumampad sa akin ang pamilyar na silid at amoy nito. Napabalikwas ako nang bangon. Si Rhoa ang sumalubong sa aking paningin.

“Kumain ka na muna.” 

“Bakit andito ako?”

“Dinala ka ni Master Cedrick dito.” casual na sagot sa akin ni Rhoa. 

“Cedrick…” saka bumalik ang mga ala-ala ko. Lalo na nang sinabi niyang… patay na ang kapatid ko.

Ayoko maniwala pero anong rason ni Cedrick para biruin ako ng ganito. Di ito magandang biro sa akin. 

Nilapitan ko ang pinto na di ko mabuksan.

“Buksan mo ito Rhoa.”

“Monina.” napailing ito. “Di ka lalabas sa silid na ito hanga't walang sinasabi si Master Cedrick.” 

Nanlaki ang mga mata ko sa kanya.

“Alam mo ba ang ginawa niya sa amin?!” Di ko na talaga mapigilang umiyak sa harapan ni Rhoa.