Chapter 29: Do you who I am?

HINDI sana lalabas si Asia. Pero nakailang tawag na ang staff ng shop na magde-deliver ng mga furniture niya. Kaya inayos niya ang sarili.

Nasa labas pa rin si Callen, sa may gilid ng pintuan niya. Nakasalampak ito doon at hawak sapo ang ulo.

“A-Asia,” anito, sabay tayo.

Hindi niya ito pinansin. Dumiretso siya sa pintuan at pinapasok ang dalawang staff na naroon. Pinatuloy niya ito habang tinatawagan ang mag-aakyat ng mga pinamili niya.

Tahimik lang si Callen ng mga sumunod. Hindi niya pinapansin ito dahil sa nire-receive niya ang mga inorder. Inabot pa ng dalawang oras bago matapos ang mga ito.

Wala naman siyang interior designer, siya lang ang lahat. Kaya inabot pa ng ilang oras. Siya na ang nagtanggal ng plastic na nakabalot sa ilang furniture. Tumulong na rin si Callen mayamaya dahil nagmumukhang tanga na ito sa sulok.

Napokus ang atensyon ni Asia sa ginagawa. Kahit hindi niya pinapansin si Callen ay nagkukusa na nga ito. Umorder din ito ng pagkain para sa kanila. Kaya nang matap