Kabanata 113: Kidnapped Part 2

BELLA POV

"Ano ba?! Bitiwan mo ako!" sigaw ko sa kanya para maagaw ko ang atensyon niya at hindi pa nakuntento at sinadya ko talagang iniwas sa kanya ang pouch bag na dala ko.

Mukhang nagtagumpay naman ako dahil kinuha niya mula sa akin ang pouch bag ko. Kinalkal niya iyon at hindi pa nakuntento at ibinuhos niya sa harapan ko ang lahat ng mga laman non.

"Huwag na huwag kang magkakamaling gumawa nang hindi maganda kung ayaw mong butasan ko iyang leeg mo!" galit na sigaw niya sa akin at tinutukan ako ng kutsilyo.

Halos mapapikit ako nang maramdaman ko ang malamig na dulo nito sa leeg ko.

"Tama na iyan. Nandito na tayo," untag ng isa niyang kasamahan sa amin habang ipinapark ang sasakyan namin sa isang gilid ng abandonadong gusali.

Ang takot na nararamdaman ko kanina ay mas lalo lamang tumindi nang mapagtanto ko kung nasaan kami ngayon at kung ano ba ang gagawin nila sa akin.

"Ibaba na iyan!" utos ng isa at nauna nang lumabas ng sasakyan.

Mabilis naman akong itinulak ng katabi ko palabas