Chapter 4

Pagkarating ko ng mansyon ay tumuloy agad ako sa aking silid upang makapagpahinga, nakainom din kasi ako ng bahagya kaya naman medyo sumasakit ang ulo ko. Pagkapasok ko sa aking silid ay tumungo muna ako sa veranda upang magpahangin sana ng may matanaw ako sa aking hardin na isang babae na nakaupo na tila ba may hinihintay. Napakunot ang noo ko dahil akala ko ay nakaalis na ang babaeng ito kaya naman nagtataka ako at nandirito pa rin siya sa loob ng aking pamamahay. Pinagmamasdan ko lamang ito habang magkasalubong ang aking mga kilay, nakita ko ang pagtayo nito at ang kaniyang pagngiti kaya naman ang salubong kong kilay ay napalitan ng pagkunot ng aking noo. Tumingin ako kung saan siya nakatingin at nakita kong papalapit sa kanya si Calix at mabilis niya itong sinalubong ng yakap, hindi ko inaalis ang mga tingin ko sa kanila at pinapanood ko lamang sila sa masaya nilang pagkikita na akala mo ay isang taong hindi nagkita. Napatingin sa aking veranda si Calix kaya naman ng mapansin niya ako na nakatanaw sa kanila ay kumaway ito sa akin, sa hindi ko maintindihang kadahilanan ay kumaway din ako kaya napatingin ako sa kamay ko na nakataas pa at mabilis ko itong ibinaba at pumasok na ako sa aking silid at hindi na sila binigyan pa ng pansin. "What the hell did I just do?!" Ani ko sa aking sarili at pagkatapos ay ipinilig ko ang aking ulo. Nahiga ako sa aking kama at ipinikit ang aking mga mata hanggang sa unti-unti ng namigat ang talukap nito.

Mga katok sa pintuan ang gumising sa mahimbing kong pagkakatulog kaya naman mabilis akong tumayo at binuksan ko ang aking pintuan. "Hijo kanina pa ako kumakatok dito, hating-gabi na ay hindi ka pa naghahapunan." Nag-aalalang ani ni nanay sa akin, "hindi po ako nagugutom, bukas na lang ako kakain at gusto ko pang matulog' Ani ko dito na isang mata lamang ang nakadilat. "Sya, matulog ka na at bukas ay hindi ka papasok sa opisina mo ng hindi ka nag-aagahan." Ani nito sa akin at tumango lamang ako at bumalik din agad ako sa aking higaan at pabagsak ang katawan kong nahiga dito at ipinagpatuloy ko na ang aking naudlot na pagtulog.

Bria's POV

Sobrang takot ang naramdaman ko ng marinig ko ang tila ba galit na boses na amo ng aking ina at kapatid, hindi ako makatingin dito sa takot na aking nararamdaman, buti na lamang at nilapitan kami ni kuya guard at ipinaliwanag sa kaniya kung sino ako. Napaangat ako ng ulo kaya naman natitigan ko ang kaniyang mukha kaya ganoon na lamang ang pagkagulat ko ng makita at mapagmasdan ko ang napakagwapo nyang mukha. Bakit iba yata ang pagkakasabi sa akin ni Kuya Calix, kasi ang sabi niya sa akin ay maliit lamang ito na sobrang payat na akala mo'y kalansay na naglalakad na binalutan lamang ng balat ng tao, tapos sabi pa nya ay maitim ito at malaki ang ilong na may malaking butas, tapos sabi pa nya ay puro tagyawat pa daw ito pero bakit napakagwapo naman ng lalaking kaharap ko at tinawag din itong sir ni kuya guard kaya nakasisiguro akong ito ang amo ni Kuya Calix. Napatingin ako sa kaniyang mata at ganoon na lamang ang gulat ko ng makita kong tila ba nagliliyab sa galit ang kaniyang mga mata na nakatitig sa akin, wala itong sinabi ngunit galit itong pumasok sa sasakyan at sinigawan pa ang guard upang buksan ang gate. Nakakatakot naman, bakit pakiramdam ko ay galit ito na makita ako sa loob ng kaniyang bakuran, hindi naman ako magnanakaw kaya wala naman siyang dapat na ikagalit sa akin. Pagkalabas ng kaniyang sasakyan ay tinungo ko na ang sinabi ni kuya guard sa likod ng mansion at hinanap si nanay. Nakita ko agad si nanay kaya naman mabilis ko itong nilapitan, "nanay nandito na po ako." Masaya kong ani dito kaya naman mabilis itong napalingon sa kinaroroonan ko.

"Bria, buti naman at nakarating ka agad dito, halika na at simulan na natin ito at marami-rami din ang lalabhan nating mga malalaking kurtina at kobre kama." Ani naman nito sa akin kaya naman kinuha ko na ang hawak niyang malaking basket ng maruruming kurtina.

"Hala jusko nanay ang bigat!" Gulat na ani ko dito ng makuha ko sa kaniya ang basket. Malakas na tawa lamang ang sinagot niya sa akin habang ako naman ay napatingin sa aking braso at baka nahugot na ito at nagkahiwa-hiwalay dahil sa bigat ng mga binuhat ko.

Ilang oras din ang ginugol namin sa paglalaba at ngayon nga ay nakasalang na isa-isa ang mga ito sa dryer. Sarap naman maging mayaman diretso pagpapatuyo ka agad ng mga nilabhan mo, hindi katulad sa aming mahihirap na maghihintay ka pang sumikat ang araw para makasiguro kang mabango ang kalalabasan ng natuyo mong damit. Kung mamalasin ka pa nga ay bumabagyo pa kaya wala kang maisusuot na malinis na damit kung kaunti lang ang mga damit mo.

"Nay, may itatanong po ako." Ani ko dito. "May nakita po akong lalaking gwapo kanina kaya lang parang nireregla sobrang sungit, nasigawan nga po ako dahil hindi n'ya alam na ako ang anak mo, akala yata akyat bahay ako, baka akyat kwarto sabay gapang sa kanya pwede pa hihihi." Ani ko sa aking ina sabay bungisngis. Isang tampal sa braso ko ang dumampi sa aking balat at nakasalubong na kilay naman ng aking ina ang humarap sa akin.

"Bria ano ba 'yang pinagsasasabi mo ha? Ang bata-bata mo pa ay kung ano-ano na 'yang sinasabi mo diyan. Gusto mo bang sabihin ko 'yan sa kuya mo para hindi ka na makalabas ng bahay ha?" Galit na ani ng aking ina kaya naman sinibangutan ko ito.

"Nagbibiro lang naman po, si nanay hindi na mabiro." Nakaingos kong wika dito. "Umayos kang bata ka ha, baka mamaya may makarinig pa sa iyo dito jusmiyo nakakahiya ka!" Inis na ani sa akin nito kaya naman hindi na ako sumagot at inalala ko na lang ang sobrang gwapong mukha ng amo ng aking ina. 'Anong oras kaya babalik ang gwapong 'yon dito? Kahit parang demonyo kung tumitig ay sobrang gwapo pa rin.' Bulong ng isipan ko. Pero bakit kaya iba ang pagkakasabi sa akin ni Kuya Calix ng hitsura ng lalaking 'yon? My god! Wala ngang itatapon sa lalaking 'yon, finger licking good. Hindi ko na namamalayan na napapangiti na pala ako na tila ba kinikilig kaya isang pingot ang pumukaw sa aking pagpapantasya.

"Ahhh! Nanay naman, ang sakit kaya ng pingot mo." Naiinis kong turan dito.

"Baka akala mo hindi ko alam kung bakit para kang kinikilig diyan ha." Ani ng aking ina habang pinandidilatan niya ako ng kaniyang mga mata kaya naman inirapan ko lamang ito at nginusuan ko pagkatapos ay naglakad na ako papuntang sa garden upang duon ko na lang hintayin si Kuya Calix dahil magpapahatid na lang ako sa kaniya pauwi. Habang naglalakad ako ay nakita kong pumapasok ang sasakyan ng amo ni kuya kaya naman mabilis akong nagkubli sa isang puno at pinagmasdan ko ang paglabas nito sa magara niyang sasakyan.

"Gosh! Katawan pa lang ulam na!" Bulong ko sa aking sarili habang pinagmamasdan ko ang paglalakad nito papasok sa loob ng kaniyang mansion. Huminto ito saglit at tumingin sa kaniyang paligid kaya naman mabilis ulit akong nagkubli sa puno kaya ng tuluyan na itong nakapasok sa loob ng kabahayan ay nagpunta naman ako sa nakita kong upuang bato at umupo ako upang hintayin si Kuya Calix. Hindi naman nagtagal ay natatanaw ko ng pumapasok sa loob ng garahe si kuya kaya naman malaki ang pagkakangiti ko na sinalubong ito.

"Kuya nakakainis ka! Ang sabi mo sobrang pangit ng boss mo pero ang totoo pala ay sobrang gwapo nito. Grabe sobrang gwapo talaga!" Ani ko dito na tila ba kinikilig pa ako. Tumingala si kuya kaya naman napatingin din ako sa tinitignan niya at kinawayan nya ang lalaking nakatayo sa veranda sa ikalawang palapag, kumaway din ito at pagkatapos ay mabilis na tumalikod at pumasok na sa loob kaya naman napangiti ako ng muli kong masilayan ang kagwapuhan niya.

"Huwag na huwag kang makikipag-usap sa amo ko, lalong-lalo na ang makikipaglapit dahil hindi 'yan sumeseryoso ng babae at para sa kaniya ay pang-aliw lamang sila. Ayokong maging biktima ka niya dahil baka makapatay ako." Mahabang ani sa akin ni kuya kaya naman nginusuan ko ito. "Grabe naman, sabi ko lang gwapo tapos kulang na lang ipadala mo ako sa bundok para di ko siya makita. Ang oa mo kuya!" Naiinis kong ani dito sabay irap sa kaniya.

"Basta sundin mo ang sinabi ko sa iyo." Ani nito kaya naman inikutan ko ito ng aking mga mata.

"Ihatid mo na po ako Manong Calix." Ani ko dito ng naiinis kaya naman isang batok ang binigay sa akin nito bago nya ako tuluyang ihatid pauwi.