Chapter 3

Isang linggo ng nagtatrabaho sa akin ang mag-inang Villanova and so far, okay naman sila at hindi ako nagkakaroon ng problema. Si Calix ay magaling din makisama at tulad ng inaasahan ko ay masipag nga ito. Kahit hindi niya trabaho basta hindi siya busy ay gagawin n'ya ito. Katulad kanina ng magising ako ay inabutan ko itong nagdidilig ng mga halaman habang ang hardinero ko naman ang nagdadamo.

"Good morning po sir!" ani sa akin ni Aling Anita ng makita niya akong naghahanap ng maiinom.

"Gusto n'yo po ba ng kape?" tanong nito sa akin. "Okay lang ho, si nanay na lang ang gagawa ng kape ko dahil kabisado na n'ya ang panlasa ko sa kape." magalang kong wika dito at tumango-tango naman ito sa akin.

Hindi naman nagtagal ay dumating si nanay na may dalang kape para sa akin.

"Hijo, pupunta ako sa palengke mamaya baka may ipabibili ka sa akin." ani sa akin ni Nanay Lita.

Umiling naman ako dito kaya agad na niya akong inasikaso. Pinaglagay ako ng plato ni nanay at kubyertos at isa-isa na niyang inihain sa akin ang masasarap na agahan.

"Kumain ka na at tapos na kami ni Anita." wika n'ya kaya naman nagsandok na ako ng pagkain at sinimulan ko na ang kumain hanggang sa natapos ako.

Nasa hardin ako ngayon at dahil araw naman ng linggo ay mas ginusto ko ng manatili na lang dito sa bahay para na rin makapag pahinga ako.

Mula kasi ng mamatay si lola ay ako na ang nangalaga sa lahat ng negosyo namin, hindi biro ang walang katuwang sa pamamahala ng mga ito kaya naman nagpapasalamat ako sa dalawa kong kaibigang matalik na laging handang umalalay sa akin kapag kinailangan ko ang kanilang tulong.

"Hijo aalis na ako, kasama ko si Calix para ipagmaneho ako." ani ni nanay kaya naman tumango lamang ako.

Tumingin ako kay Calix at naghabilin ako dito.

"Calix, mag-iingat ka sa pagmamaneho mo, si nanay na lang ang pamilyang natitira sa akin kaya pag-ingatan mo siyang mabuti." wika ko dito na tinugunan naman n'ya. Maglalakad na lang sana ako papasok ng kabahayan ng magsalitang muli si nanay.

"Hijo, darating pala dito ang kapatid ni Calix na si Bria upang tulungan ang nanay nila na maglaba ng lahat ng kurtina at mga sapin ng kama." ani nito at hindi ako kumibo dahil hindi ako interesado kung sino man ang Bria na 'yon at wala din akong pakialam kung kapatid man ito ni Calix o anak ni Aling Anita. Pag-kaalis nila nanay ay tumunog naman ang hawak kong telepono.

"Bro, where are you?" tanong ni Jared na nasa kabilang linya.

"Home, why?" tugon ko naman dito.

"Do you have any plans for today?" tanong nito sa akin kaya naman nag-isip ako, wala naman akong maisip na kahit na anong lakad kaya hindi na ako nakasagot.

"Great! Punta ka dito sa bahay at magluluto si manang ng spicy ginataang hipon." ani nito na ikinangiti ko.

"I'll be there soon!" wika ko dito at mabilis na akong umakyat sa aking silid upang maligo.

Halos tatlumpong minuto lamang ang inilagi ko dito at pagkatapos ay nagbihis din agad ako at mabilis kong tinalunton ang pababa ng hagdan at palabas ng kabahayan. Papasok na sana ako sa loob ng aking sasakyan ng may mapansin akong isang babae na naglalakad papunta naman sa likod bahay, matangkad ito na maputi at balingkinitan, masasabi kong napakaganda ng mukha n'ya ngunit wala akong pakialam kahit siya pa ang pinakamagandang babae sa balat ng lupa.

"Who the hell are you?" malakas kong asik dito na ikinapitlag niya at nabitawan pa niya ang hawak niyang payong.

Hindi ito nakapagsalita at mababakas sa mukha nito ang matinding takot.

"Bakit ka nasa loob ng pag-aari ko ha?" galit kong ani dito at nakikita ko sa kaniyang mga mata ang takot at halos naiiyak na ito. Magsasalita pa sana akong muli ng lumapit sa amin ang isa sa aking guard.

"Sir, siya po si Bria ang anak ni aling Anita, bunsong kapatid po ni Calix." ani sa akin ni Damian kaya naman napatingin ako dito mula ulo hanggang paa at pagkatapos ay salubong ang kilay ko na pumasok sa loob ng aking sasakyan at mabilis ko ng pinaandar ito.

"GATE!" malakas kong sigaw at ng bumukas na ito ay mabilis ko din itong pinaharurot dahil sa inis, hindi ko gusto na nakakakita ng babae sa loob ng aking pamamahay.

Mabilis akong nakarating sa bahay ni Jared at pagkababa ko ng aking sasakyan ay sinalubong agad ako ng aking kaibigan.

"Woah! Bakit salubong yata ang kilay mo?" nagtatakang ani nito sa akin. I heaved a deep sigh and stared at him.

"What will you do if a strange woman stepped into your property?" I asked frustratedly.

"Oh Wow! May babae sa bahay mo? First time 'yan ah!" tumatawa nitong ani sa akin kaya naman mas lalo akong nakaramdam ng matinding galit. Nang makita niya ang naging reaksyon ko ay nawala ang tawa nito,

"Well, it depends kung sino ang babaeng nasa bahay mo! Isa ba siya sa naikama mo na naghahabol sa iyo at sinasabing dinadala n'ya ang anak mo?" Biglang napakunot ang aking noo sa kaniyang sinabi kaya naman malakas akong kumontra.

"Hell no! Kapatid siya ni Calix at nasa bahay siya ngayon upang tulungan ang kanyang ina sa paglalaba." galit kong ani dito. Anong pinagsasabi niya na nakabuntis ako? Kaylanman ay hindi mangyayari 'yon dahil maingat ako at hindi ako pumapatol sa mga inosente dahil ayokong mapikot. "Ganoon lang nagagalit ka na? Bro ang babaw mo!" ani nito sa akin kaya naman tinitigan ko ito ng matalim kaya napa peace sign naman ito sa akin sabay ngisi.

"Ikaw naman hindi na mabiro!" ani pa nito sa akin. Inaya na niya akong pumasok sa loob ng malaking bahay.

Habang naglalakad kami papasok sa loob ng kabahayan ay naaamoy ko na ang masarap na lagkaing niluluto ni manang. Hindi rin naman nagtagal ay dumating naman si Brandon kaya habang nag-aantay kami sa pagluluto ni Manang ay nagkukuwentuhan muna kami.

Napag-usapan namin ang pinapatayo kong village.

Matagal ko ding pinag-isipan ang pagpapatayo ng isang exclusive village at dahil na rin inuudyukan ako lagi ng aking mga kaibigan ay heto na nga at nagawa ko ng simulan ang proyekto. Tinawag ko itong The Decker Ville, isinunod ko ito sa pangalan ko katulad ng Decker Tower na isinunod ng aking ama sa pangalan ko. Nakaramdam na naman ako ng kalungkutan ng muli kong maalala ang aking ama. "Okay ka lang bro?" nag-aalalang ani sa akin ni Brandon kaya naman napatingin ako dito.

"I'm okay, may naalala lang ako." ani ko naman dito. Huminga ako ng malalim at napasandal sa couch, "Nagugutom na ako mga bro, hindi pa ba tayo kakain?" tanong ko sa kanila kaya naman nagkatawanan kami dahil nawili kami sa pagkukuwentuhan samantalang kanina pa nga pala kami tinatawag ni Manang dahil kanina pa siya nakaluto. Naging masaya naman ang maghapon ko na kasama ang dalawa kong kaibigan, uminom kami ng kaunti at napag-usapan na rin namin ang tungkol sa mga negosyo namin.

Matagal na nila akong inuudyukan na pag-isipan na magkaanak at ihahanap daw nila ako ng paupahang sinapupunan pero lagi ko itong tinatanggihan. Alam ko namang tama sila na kailangan kong magkaroon ng tagapag-mana ng lahat ng negosyo ko ngunit hindi pa naman ako ganoon ka desperado para patusin ang sinasabi nilang paupahang sinapupunan. Hindi rin nagtagal ay natapos na rin kaming magkuwentuhan at pagkatapos ay naghiwa-hiwalay na rin kami upang makauwi na at makapagpahinga.