KABANATA 14

“Mama, iiwan na talaga natin sila Inang Salome?” Nakatingala sa kaniya si Power habang nanananghalian sila.

“Oo, anak, eh. Wala kasing mahanap na teacher si mama rito sa isla na kaya kayong turuan. Ang tatalino kasi ng mga babies ko,” sagot niya rito at sinalinan ng kaunting kanin at sabaw ang plato ng mga bata.

Tinuturuan na kasi niya ang mga ito na kumain na lang ng kanila pero umaalalay pa rin naman sila ni Inday sa mga ito dahil madudungis pa ring kumain liban na lang kay Power na ayaw na nadudumihan.

“Yes! Can we leave ate Inday here?” Nagni-ningning naman ang mata ni Virtue at sumabay pang tumango si Throne.

Sa sinabi ni Virtue ay tinawanan lang ito ni Inday at mas lalong inasar.

“Aba! Hindi niyo na ako p’wedeng iwan kasi ano… kasi pamili na tayo!” Humalaklak pa ang babae na nagpabusangot sa dalawa.

“Pangit mo, ate Inday,” naaasar na sabi ni Virtue.

“Why can't we leave ate Inday here mama?” Pikon na baling sa kaniya ni Throne.

“Kasi nakaimpake na ang mga damit ko!” Dagdag pang p