KABANATA 13

Naalala ni Phim ang sinabi ng anak niyang si Throne tungkol kay Rios. ‘Adi na naman hi maadas’, hindi pa rin naman kasi siya makaintindi ng waray-waray kaya kailangan pa niya magtanong sa mga kakilala kung anong ibig sabihin ng sinabi ng anak niya para mapangaralan ito ng mabuti.

“Inday, ano ang ibig sabihin ni Throne kanina?” Tanong niya sa katulong na abala sa pagluluto ng kanilang pananghalian.

“An ano ma'am? Ay este, ‘yung ano po?” Napakamot ito sa ulo sa pag-aalala sa kung ano ba ang sinabi ng kaniyang makulit na bulinggit.

Sa daldal ba naman kasi ni Throne, hindi niya alam kung kanino ito nagmana! Baka dahil sa kakasama nito kay Aureus ay nahawa na ang anak niya.

“‘Yong nakita niya si Rios kanina. ‘Yong sinabi niyang maadas something.”

Napasigaw naman si Inday dahil sa naalala. “Ay! Sabi niya maasim daw si sir Rios.”

Napanganga na lang si Phim sa nalaman. Ang anak niya talagang iyon! Napakasutil! Hindi naman siya sutil noong bata pa siya. Hindi nga lang niya alam sa ama nito.

“T