KABANATA 17

Kalalabas lang ni Phim galing sa opisina ng directress ng school ng mga anak. Inasikaso kasi niya ang mga papeles ng mga ito habamg ang tatlo ay naiwan kay Inday dahil pinapag-take na ang mga ito ng assessment.

Nagulat naman siya nang sumalubong ang tatlo sa kaniya ng yakap habang tuwang-tuwa ang mga ito.

“Ma'am!” Hinihingal na tawag sa kaniya ni Inday kaya napakunot siya ng noo.

“Oh? Ba’t parang inararo ka ng imaginary boyfie mo?” Takang tanong niya rito nang makitang nagkakalat ang buhok nito at pawis na pawis.

“Iyan kasing tatlo! Pagkatapos ng assessment nila eh natipuhan na naman magtakbo-takbo sa gawas, este sa labas,” sumbong nito kaya natawa na lang siya.

Hindi kasi makaganti ang mga ito sa salita sa ate Inday ng mga ito dahil pinapagalitan niya agad kapag nagiging sutil ang pananalita kaya naman ay nakakaisip ang mga bulilit ng ibang paraan para gumanti at ito nga ay pagpapahabol.

Alam kasi ng mga ito na mas mahirap silang habulin dahil tatlo sila at malaki si Throne. Kahit ka