UNANG KABANATA

‘Hyacinth Herrera a world renown model and CEO launches her first ever cosmetic product: red and tainted. A sultry dark red lipstick that according to the CEO herself, any girl could lure any man in the world with it.’

Binabasa ngayon ni Hyacinth ang headline ng isang magazine article ilang araw lamang ang lumipas matapos niya ilabas ang unang cosmetic product. Isang kuntentong ngiti ang gumuhit sa mga labi niya. Parang kailan lang ay nasa puder pa siya ng mga magulang at binubungangaan pa sa mga desisyon niya sa buhay.

Ang mga masasakit na salita na sinasabi ng mga ito sa tuwing nagsusumbong siya ay nakabaon pa rin sa kanyang isipan. Kung paano siya tawaging ‘bobo’ at ‘walang kwenta’ kapag may nagagawa siyang mali. Napagod na siyang patunayan sa mga ito ang kanyang halaga nuong bata pa siya.

Kaya naman pinangako niya sa sarili na gagawa siya ng sariling pangalan at hindi aasa sa pera na nakaagapay sa apilyidong Herrera.

Tumunog ang kanyang telepono at agad niya itong sinagot ng makita ang kapatid niya ang tumatawag. “Hello, Belladonna,” bati niya rito na agad namang nakatanggap ng malakas na buga ng hininga galing sa kabilang linya. Napatawa na lang siya sa reaksyon ng kapatid ng banggitin niya ang buong pangalan nito.

“Bantot,” ingos nito sa kaniya.

“Alam kong sikat ako pero ‘wag mo naman ipahalata na masyado mo akong idol.” Hirit pa niya na alam niyang magpapapula sa pisngi nito ngayon. Kulang nalang ay murahin siya ng kapatid ngunit alam niyang hindi nga nito kayang pumatay ng inosenteng langaw lang. Magkaibang-magkaiba sila ng ugali nito. Kung siya ay pakawala, ito nama’y mala-anghel kaya naman naiintindihan niya ang mga magulang kung bakit ito ang paborito.

Kambal sila pero hindi kambal ang turing sa kanila ng mga magulang. Habang lumalaki ay napapansin niyang mas palaging pinapaburan si Bella. Kahit nga noong nakagawa ito ng malaking kasalanan ay kulang nalang siya pa ang sisihin sa mga nangyari.

Kinakahiya siya ng mga ito at palagi lamang siyang nasa likuran ng kapatid at laging humahalili rito sa lahat ng kaganapan na hindi nito kaya pakiharapan. Kulang na nga lang ipain siya sa giyera ng mga magulang para maprotektahan ang kambal.

Pero ganito man ang kapaligirang meron sila mula pagkabata ay hindi magpagkakaila kung ga’no sila kalapit sa isa’t-isa. Liban nalang sa nangyari rito na sinubukan ang kanilang pagiging magkaptid.

“I just want to congratulate you. You’ve come so far kaya naman itigil mo na ‘yang pinagkakalokohan mo ngayon.” Mahabang litanya nito.

Wala itong alam at hula niya ay nanghuhula lang ito. Alam kasi ni Bella na hindi makukumpleto ang araw niya kapag wala siyang nagagawang gulo.

Dahil sa sinabi ng kapatid ay naalala niya ang pinagkakaabalahan sa kasalukuyan ng matapos maging matagumpay ang launching ng kanyang produkto. Alam niyang walang makikisimpatya sa kanya kahit ang mga kapwa kababaihan kapag malaman ng lahat ang kaimoralang ginagawa niya.

Alam niyang mali subalit hindi niya mapigilan ang tawag ng laman na palagi niyang nararamdaman kapag kaharap niya ang kababatang si Thaddeus Siriad Venesteri. Ang parehong lalaking naugnay sa kapatid niya sa isang malaking eskandalo. Alam ng lahat na nabuntis ni Thaddeus ang kapatid niya at alam din ng mga ito na hindi pinanindigan ng lalaki si Bella.

Kapag nalaman ng mga ito ang kaugnayan nila ng lalaki ay tiyak katapusan niya na.

Nakasalalay din dito ang pangalang binuo niya sa ilang taon kapag lumabas ang kaniyang lihim sa sosyodad na kanyang ginagalawan. Ang masaklap pa rito ay hindi siya isang malayang babae. Siya ay kasado na sa isang lalaking hindi niya pa nakikita at nakikilala kailanman― apat na taon na ang nakalipas. Tanging ang pangalan lamang ng lalaki ang alam niya. Ito ay si Dairis Vaughn Conor.

Kahit ano pa ang isipin niyang walang malisya sa ginagawa niya ngunit nabubuhay pa rin ang konsensya na pilit niyang binabaon sa limot. Kahit sabihin pa niyang dahil lamang ito sa paghihiganti ay hindi pa rin makatarungan ang kanyang ginagawa.

Biglang nawala ang lahat ng sayang nararamdaman niya ng maalala ang mga nakabingbing problema na kaniyang pinasok at hindi niya alam kung pa’no ito lulusutan. “Yes, yes, I know,” she said dismissively.

Parang naramdaman naman ng kapatid niya ang kaniyang mood. “Hyacinth...” mahina nitong tawag sa kaniya.

“I’m gonna hung up now, Belle. I don’t want to spoil this moment.” Hindi niya na hinintay na makasagot ang kapatid at pinutol na niya ang tawag.

Sakto namang pumasok ang kaniyang assistant na may malawak na ngiting nakaplaster sa mukha at may dalang bungkos ng bulaklak. “May nagpapabigay po sa inyo, Miss,” kinikilig nitong wika na nagpakunot sa noo niya.

“Kanino galing?”

“Hindi ko po alam, miss, pero may initial na TSV.”

Nang rumehistro sa kaniya kung sino ang TSV ay kulang nalang talunin niya ang inuupuan para makuha ang dala nitong bulaklak.

Hindi ba nag-iisip ang lalaki?! Sinabihan niya na ito sa una pa lamang na kailangan niya mag-ingat. Masisira lahat ng pinaghirapan niya kapag may makalusot na chismis kahit sinliit pa ito nga butil ng bigas.

Lalo na ngayong humahalimuyak ang pangalan niya, parang mga asong ulol na nakaabang ang mga paparazzi para may mairason lamang upang dumihan ang kanyang pangalan.

Nang mahawakan niya ang bugkos ng bulaklak ay ininspeksyon niya agad ang loob nito. Hindi magpapadala ng bulaklak ang lalaki kung wala itong kailangan sa kaniya.

Nakita niya ang kapirasong papel na nakarolyo sa gitna ng mga matitingkad at kulay berdeng dahon ng pulang-pulang mga rosas. Bago niya ito buksan ay pinalabas niya muna ang assistant na hindi pa rin makapaniwala kung gaano niya kabilis nahablot ang bulaklak galing dito.

‘I miss you, baby. Wanna have dinner together?’

Nanindog ang mga balahibo niya sa nabasa. Alam niya kung ano ang kakainin nito! At hindi ano kun’di ay sino. Sa isipang madidiligan na naman ang nanunuyot na pechay niya ay nawala ang lahat ng agam-agam sa kaniya. Ito ang dulot ng lalaki, nakakalimutan niya ang lahat ng tamang gawain ng isang may asawang babae.