CHAPTER 1: INHERITANCE

"What?!"

Namimilog ang mga mata ng magkapatid na Richy Lane at Richy Lou nang marinig ang sinabi ng kanilang family lawyer. Pareho silang tila saglit na nabingi dahil sa katotohanang kanilang nalaman.

Wala na silang mamanahin.

Isang ang mga Dizon sa pinakamayayamang pamilya sa bansa, at least sa kaalaman nilang dalawa. Kaya hindi nila lubos maintindihan ang krisis na kinahaharap nila ngayon.

Hindi lamang iyon, iniwanan pa sila ng kamamatay lamang nilang ama ng isandamakmak na utang, at talagang sa mga Fontana pa; ang pamilyang matagal nang kaaway ng kanilang pamilya! At ang natitira sanang pera na naiwan ng kanilang ama ay naipambayad na nila sa burol nito, at sa ilan pang utay-utay nitong utang sa iba pang negosyante.

"How could Dad do this to us? How could he let us be indebted to Fontanas?" Hindi makapaniwalang sabi ni Richy Lou habang nakatingin sa napakaraming bills at mga dokumentong nakalatag sa malaking mesa. How would they be able to pay this huge amount?

"This is ridiculous..." Naibulong na lamang ni Richy Lane sa kaniyang sarili.

Malawak ang kasaysayan ng hindi pagkakasundo ng mga Dizon at Fontana. Magmula pa yata sa mga ninuno niya ay magkaaway na ang dalawa sa negosyo, at akala nila ay magtatapos na ang away na iyon nang maging best friend ang great grandfather niya si Ronardo at si Alvaro Fontana. Iyon pala ay simula muli iyon ng panibagong away.

Na-inlove kasi ang dalawa sa iisang babae, kay Cessa del Bautista, ang great grandmother niya. Dahil pinili ni Cessa si Ronardo, nagkalamat ang relasyon ng magkaibigan, at ang napang-asawa ni Alvaro ay ang kaibigan ni Cessa na si Sylvia Robertson.

At para bang naging sumpa na sa dalawang pamilya ang pangyayaring iyon.

Nagkaroon ng dalawang anak sina Ronardo at Cessa; ang babaeng si Ronora na kinalaunan ay naging madre, at ang lalaking si Cespian del Bautista Dizon.

Sa kabilang banda ay nagkaroon din ng dalawang anak sina Alvaro at Sylvia; ang babaeng si Alice na maagang namatay dahil sa sakit sa dugo, at ang lalaking si Alaric Robertson Fontana.

Tulad ng mga magulang, naging magkaibigan rin sina Cespian at Alaric at nagkagusto rin sa iisang babae, si Helena Cardel, ngunit si Cespian ang pinili ni Helena at ang napang-asawa ni Alaric ay ang kaibigan ni Helena na si Maxine Campbell.

Muli, nagkaroon ng dalawang anak sina Cespian at Helena; ang babaeng si Roxana na hindi na nakapag-asawa, at ang lalaking si Cespian Cardel Dizon Jr, na kanilang ama. Sa kabilang banda, dalawang lalaki ang naging anak nina Alaric at Maxine, sina Augustus Campbell Fontana at si Sylvester na hindi rin nakapag-asawa.

Samakatuwid, parang isang drama patungkol sa pag-ibig at estado sa buhay ang nangyari sa dalawang pamilya. Laging ang mga Dizon ang nanalo pagdating sa pag-ibig ngunit ang Fontana naman ang nananalo sa pera at negosyo. At ang mga babaeng anak sa magkabilang pamilya ay may masalimuot na tatlong sitwasyon lamang na maaring kahinatnan: maging isang madre, maging matandang dalaga, o mamatay sa sakit.

Ngunit ngayon, may pang-apat nang nadagdag: ang mabaon sa utang, tulad ng nangyayari sa kanila ngayon ng kakambal niyang si Richy Lou.

Nang umalis ang family lawyer nila ay naiwan silang dalawa ng kakambal niya na nakaupo sa salas at nakatitig sa kawalan.

"Rich, what are we going to do?" Halos maiiyak na ang boses ni Richy Lou. Mas matanda ng ilang minuto sa kaniya ang kakambal ngunit laging siya ang takbuhan nito kapag may mga problema.

Hinagod ni Richy Lane ang nananakit na sentido.

"I think we should talk to..." Hinanap niya sa mga dokumento ang pangalan ng kasalukuyang head ng pamilya Fontana, "...this man." Itinuro niya ang pangalan. "Azazel Reedan Fontana."

"You should talk to him!" Agad na sabi ng kapatid niya. Napatayo ito mula sa kinauupuan nang marinig ang pangalan na binanggit niya.

"Richy Lou, do you know this man?" Kunot-noo niyang tanong.

Sabagay, wala naman sa bansang iyon ang hindi nakakakilala kay Azazel Fontana. Isa ito sa mga pinakabatang bilyonaryo sa buong mundo. Pagdating sa mundo ng negosyo, hindi mawawala ang pangalan nito sa mga pinakamatagumpay... at pinakawalang-awa. Walang sinuman ang gustong bumangga rito dahil sa lawak ng koneksyon. Iyon nga lamang, lahat ng impormasyon tungkol dito ay iyong may kinalaman lamang sa negosyo nito. Sobrang pribado ng personal nitong buhay. Minsan lamang ito sumali sa mga social gatherings kaya naman hindi mabilang ang mga journalist na gustong ungkatin ang buhay nito.

"Richy Lou, do you know Azazel? Like... Personally?" Pag-uulit niya sa tanong.

Hindi kaagad nakasagot ang kakambal niya, nag-iwas lamang ito ng tingin. At alam na alam na niya ang ibig sabihin niyon. Kilala nito ang lalaki.

"N-No..." At talagang nagsinungaling pa ito sa kaniya.

"Lou, don't fck with me. We've been together since forever. We literally developed from a single zygote and came from the same womb at the same day." Seryoso niyang sabi. "Do you really thought I do not when know when you're lying?"

"Ugh, fine!" Richy Lou grunted. "I know that guy, but I do not wish to speak to him. Ever."

"And why is that?"

"Because that guy is my stalker." Nakasimangot na sabi ng kaniyang kakambal.

Napanganga siya sa impormasyong nalaman. "Really?"

"Really." Richy Lou answered firmly. "We only spoke once; when I starred one of their commercials for a charity event that they will launch next month. Pagkatapos niyon, hindi na niya ako tinantanan. Honestly, it became a bothersome."

"And why is that...?"

"Well, he make sure that all men that will be associated to me will lose their jobs. My projects were limited and no company books me if there is even one man involve. I can't even go clubbing because of him. He's freakishly annoying!"

Isang sikat na modelo ang kapatid niya. Ang kanilang yumaong ina na dati ring isang modelo ang nagpasok sa kapatid niya roon. Magmula nang masimula itong magkatrabaho ay umalis na ito sa kanilang tahanan upang magpundar ng sariling ari-arian. Iyon nga lamang ay magastos ito at palaging nauuna ang luho. Kaya naman kinalaunan ay bumalik rin ito sa kanilang tahanan dahil hindi na nito kayang bayaran ang condo unit nito.

Habang siya, dahil sa pangangalaga ng ama lumaki ay mas namulat sa trabaho sa opisina. Isa siyang office worker sa kumpanya na pinapatakbo ng kanilang pamilya, specifically, nagma-manage siya ng isa sa mga branches niyon.

Magkamukha man silang dalawa ng kakambal ay iba pa rin ang karisma nito. Richy Lou's oozing with power, confidence, and a little mischievousness. Ibang-iba nito dalhin ang sarili, lalo na sa mga damit na sinusuot nito, kaya hindi nakapagtataka na mabilis itong naging isang modelo.

Kabaliktaran niya na piniling maging isang alipin ng opisina. Wala siyang karisma. She's oozing with pettiness, clumsiness, and a little murderous intent; especially to the peope that she does not like. And she always wear the same, boring office clothes.

Sa lahat ng aspeto, hindi maikakaila na lamang sa kaniya ang kakambal.

Well, maliban sa isa.

Richy Lou has no sense of responsibility. She's reckless and does whatever she wants without thinking of the consequences. At dahil maaaring makaapekto sa trabaho nito bilang isang modelo ang kahit anong iskandalo, siya ang naging tagalinis ng lahat ng kalat nito.

Alam niyang may problema sa pera ang pamilya niya, ngunit hindi niya alam na umabot na iyon puntong ganito. Ngayon, hindi niya akalain na kailangan na naman niyang mag-isip kung paano malilinis ang kalat ng kanilang pamilya, at talagang sa day-off pa niya!

"Oh, I need to get ready." Kapagkuwan ay sabi ni Richy Lou. "I have a photoshoot at 1 'o clock today."

"But we still need to discuss this," aniya.

Nagtuloy-tuloy lamang sa pag-akyat sa ikalawang palapag ng kanilang tahanan si Richy Lou, at nasundan na lamang niya ito ng tingin.

"Discuss it with me after you find a solution."

Napanganga siya sa sinabi nito. Hindi siya makapaniwala sa narinig. "But, Lou!" Protesta niya.

Ito na naman ang kaniyang kapatid, inaatang sa balik niya ang lahat ng responsibilidad.

"It's better if you discuss this with Cespian too once he got home!" Sigaw pa nito bago tuluyang pumasok sa kwarto nito. Narinig na lamang niya ang tunog ng pagsara nito ng pintuan.

Si Cespian the second ang bunso nilang kapatid na ngayon ay kasalukuyang nasa  taon nito sa kolehiyo.

Shit. Isa pa pala si Cespian! Kailangan niyang isipin kung paano nila itatawid ang pag-aaral nito. Sa isang pribadong unibersidad pa naman ito nag-aaral.

"Ugh!" Nahatak niya ang kaniyang buhok sa frustration.

Dalawampu't siyam na taong gulang na siya. Isang taon na lang ay pawala na ang edad niya sa kalendaryo! Dapat ang iniisip niya ngayon ay kung paano makakahanap ng mapapang-asawa para makapag-settle down. Hindi niya gustong maging isang madre, maging matandang dalaga, o mamatay sa sakit.

Gusto niyang putulin ang sumpa na iyon sa pamilya niya, pero dahil sa nangyayari ngayon, malaki talaga ang tiyansa na hindi siya makapag-asawa, o mamatay siya sa stress. Hindi na siya magtataka kung isang araw pumutok na lang ang ugat sa ulo niya dahil sa dami ng isipin.

Hah. Wala siyang maaasahan kay Richy Lou, at hindi naman niya pwede iasa ang problema kay Cespian. Siya lang talaga ang hahanap ng solusyon.

Muli niyang nahatak ang buhok. Why does every middle child in the world always suffer?

Pinagpatung-patong niya ang mga dokumento. She'll review those documents and formulate possible solutions for them to escape this dilemma. But she already set her first goal...

...meeting Azazel Fontana.

-----------------------------------------------------------------