Kabanata 5

"KANINA kasi nang hawakan ko ang painting pakiramdam ko nasa loob ako nito. Nasa gitna ako ng dagat at naging sirena ako." Kuwento ni Alyssa. Inaasahan na niya ang magiging reaksiyon ni Maggie.

Humagalpak ng tawa si Maggie sa narinig na sinabi ni Alyssa.

"Ikaw, kung saan na nakakarating ang imahinasyon mo ano?" natatawang tanong ni Maggie sa kanya.

"I'm serious!" Seryosong sabi ni Alyssa. Nag kuwento pa siya sa kaibigan tungkol sa nakita niyang babae. Pero ayaw maniwala sa kanya ng kaibigan.

"Alas singko pa lang ng umaga, subukan mo ulit matulog girl," suhestiyon ni Maggie at muling sumampa sa kama at nahiga. "Pag gising ko nakita na kita na nakatayo sa tapat ng painting, hindi ako kumurap girl, kaya sa maniwala ka sa hindi pero hindi ka umalis sa kinatatayuan mo."

"P-pero kasi--" hindi na natuloy ni Alyssa ang sasabihin ng muling magsalita ang kaibigan.

"Matulog kana, baka hindi mo namalayan nakatulog ka at sa sobrang pagkabighani mo sa painting napanaginipan mo ito.'' Sabi ni Maggie sabay talukbong ng kumot.

Napabuntong hininga na sumampa na din sa kama si Alyssa, hindi pa din mawala sa isip niya ang mga nangyari na kakaiba sa kanya.

"Haist!" Inis na humiga siya sa kama. Ano ba ang nangyayari sa kanya? Naitanong  niya sarili. Dinampot niya ang isang unan na nasa tabi ni Daisy na himbing sa pagtulog. Itinakip niya iyon sa mukha.

"Matulog kana, huwag ka ng mag-isip ng kung anu-ano," pahabol pa ni Maggie sa kanya.

"Oo na!" Tipid na sagot ni Alyssa. Umayos siya ng higa sa kama.

Pero ang totoo laman pa din ng isip niya ang tungkol sa painting. Ang karagatan, mga sirena at ang babaeng umiiyak.

Ilang minuto din siyang nag iisip at tinatanong ang sarili niya na hindi din naman niya masagot. Humikab siya hanggang sa makatulog na laman pa din ng isip ang tungkol sa painting.

GAYA nang bilin ni Mr. Santillan sa kanila bago pumanhik ng kuwarto, dapat seven in the morning gising na sila.

Maraming pagkain sa hapag kainan sabay-sabay silang nag almusal. Libre na silang tuturuan gumuhit at puminta libre pa ang kanilang pagkain. Sobrang bait pa sa kanila ng artist.

Pagkatapos nilang mag almusal dinala sila ng artist sa isang malaking silid.

"Wow!" Bulalas na sambit ni Alyssa.

Ang laki ng silid at madaming mga nakasabit na makukulay na painting. Meron din mga sinimulan na iginuhit pero hindi pa mga tapus.

Isa-isa silang pumasok sa silid, nasa ayos na ang lahat. May kanya - kanya silang puwesto base sa mga name-tag na nakapatong sa mga upuan at may kanya-kanya silang malinis na canvas.

Binuksan naman ni Mang Nestor ang mga salamin na bintana kaya pumasok ang sariwang hangin. Kasalukuyan na nasa third floor sila kaya tanaw nila ang paligid mula sa bintana, ang mga naglalakihang puno at naggagandahang halaman at bulaklak na sakop pa din ng lupain ng pintor.

"Magandang umaga sa inyong lahat!" Nakangiting bati ni Gregorio sa siyam na kanyang estudyante.

"Magandang umaga din po saiyo Sir," Panabay na bati ng mga ito.

Nag palakad-lakad sa loob ng silid si Grregorio habang nagsasalita.

"As you can see ginawan ko kayo ng mga name-tag para naman hindi mahirapan ang bawat isa sa atin kapag kakausapin natin ang bawat isa. It means, diyan din kayo dapat nakapuwesto," Mahabang sabi nito. Sinenyasan nito ang mga estudyante na puntahan na ang kanilang mga puwesto at ipinasuot ang mga name-tag na ginawa nito. "Gusto kong makita ang inyong mga talento sa pagguhit at pagpinta. Iguhit ninyo ang mga gusto ninyo, bagay, hayop, lugar o tao pa man 'yan. Iguhit ninyo ang inyong mga nasa isipan, naandito ako para e guide kayo."

"Paano naman po ako, Sir?" sabad ni Maggie.

Sinulyapan ni Calixto ang nagtanong na dalaga.

"Lahat tayo ay may talento, maaring iba nga lang ang talento mo. Pero puwede mo naman subukan baka sakaling ngayon mo malaman na may tinatago ka din palang talento sa pagguhit." Mahinahon nitong sagot. "Sige na, huwag ka ng mahiya. Subukan mo lang Maggie. Diyan ka sa tabi ng kaibigan mo na si Alyssa."

Mabilis naman na tumalima si Maggie. Ginawan din siya ng name-tag ng artist. Tumabi siya kay Alyssa.

"Kahit saling-pusa lang ako, gagalingan ko ang pagguhit, hehehe." Pagyayabang ni Maggie kay Alyssa at nagsimula na itong mag-isip ng iguguhit.

Kinindatan ni Alyssa ang kaibigan sabay thumbs up dito.

Tahimik na ang lahat. Seryoso ang bawat isa, matamang nakamasid lang ang artist. Nilapitan niya isa-isa ang mga estudyante at kapag may hindi siya nagustuhan pinapaulit niya. Kung minsan hinahawakan niya ang kamay ng mga estudyante. Tinuturuan niya ang estudyante kung papaano ang tamang paghawak ng pencil.

Lumapit ang artist kay Alyssa.

"Very Impressive!" Bulong ni Gregorio sa dalaga.

Bahagya naman nagulat si Alyssa.

"Thank you po Sir," ngiting tugon ni Alyssa. Kinikilig siya, s'yempre sabihan ka ba naman na very impressive ng taong iniidolo mo.

"Rain forest?" Paniniguro ng artist.

"Yes po!" Masiglang sagot ni Alyssa. Mahilig talaga siyang gumuhit ng mga kagubatan para kasing masarap sa paningin.

Tumango-tango si Gregorio. Nilapitan naman niya ang ilan pang estudyante.

Halos lahat naman sila nakarinig ng magandang papuri galing sa artist. Ganado sa pag guhit ang lahat kaya hindi nila namalayan ang takbo ng oras.

Pumalakpak ng tatlong beses si Gregorio.

"Tama na muna yan guys! lunch break na. Mamayang Hapon n'yo na ulit iyan ituloy." Ani Gregorio.

Nag inat - inat muna si Alyssa bago tumayo at niligpit ang mga gamit niya. Nilapitan niya ang kaibigan na parang gigil na gigil sa ginuguhit. Lihim na natatawa siya dito dahil kulang na lang ay makipagpalit ito ng mukha sa iginuguhit nito.

"Mamaya mo na ituloy 'yan girl, lunch na daw muna tayo." Sabi ni Alyssa sa kaibigan. Sinilip niya ang obra niyo. Bulaklak ang ginuhit ni Maggie.

"Huwag kang tumawa sasapakin kita," agad na babala ni Maggie.

Binatukan niya ng mahina si Maggie.

"Maganda naman ang ginawa mo," puring totoo niya sa kaibigan. "First time mo ito, kaya dapat mahalin mo girl. Pagbalik natin sa Manila, isabit mo 'yan sa kuwarto mo para naman lalo mo pa ma-motivate ang sarili mo."