Kabanata 6

"SANA nga maganda ang kalabasan kapag pipintahan ko na," halatang natutuwa din si Maggie sa kanyang ginawa.

Inakbayan ni Alyssa ang kaibigan. "Syempre naman, ikaw pa!"

Tinulungan ni Alyssa na magligpit ng gamit ang kaibigan at pagkatapos sumunod na silang lumabas ng silid na iyon sa mga kasama.

"Nakakagutom pala ang gumuhit," birong reklamo ni Maggie sabay himas ng tiyan.

"Sinabi mo pa, kaya kumain ka ng madami talent mo din 'yan!" Natatawang biro niya sa kaibigan.

Inirapan naman siya ni Maggie.

"Tse!" Umismid ito.

Natatawang pinindot niya ang tungkil ng ilong nito. "Ang cute mo talaga!"

SA HAPAG KAINAN.....

Sinigang na hipon at gulay na pakbet na sinamahan pa ng pritong isdang bangus ang pananghalian nila, kaya lalong natakam ang magkaibigan na Alyssa at Maggie maging ang kanilang mga kasama.

"Kumain kayo ng madami huwag kayong mahihiya." Nakangiting sabi ni Gregorio sa mga estudyante niya. Sumandok ito ng kanin, kumuha din ito ng gulay na pakbet itinabi sa kanin.

"Matagal na akong ulila, tanging si Mang Nestor na lang ang kasama ko dito sa mansiyon. Masaya ako at nandito kayo, nabigyan ng kulay ang aking mansiyon."

"Ang bait mo po talaga Sir," sabi ng isang estudyante nito.

Suot pa nila ang kani-kanilang mga name-tag. 'Maureen' ang pangalan niya. Sumandok na din ito ng kanin.

Wala naman nangahas sa kanila na mag tanong sa artist tungkol sa pamilya nito, ayaw nilang ma offened ito.

Masayang kumain ang lahat. Sa unang araw nila sa mansiyon nagkapalagayan na din ng loob ang bawat isa.

Pagkatapos naman kumain tumulong sa pagliligpit ng pinangkainan ang mga babae, tulong na din sila sa paghuhugas ng mga pinagkainan bilang pasasalamat na din nila sa libreng pagpapakain sa kanila ng artist. Pinigil naman sila ng ginoo pero mapilit sila kahit man lang sa ganoong paraan makaganti sila sa kabaitan na pinapakita nito sa kanila.

"O siya, kung mapilit kayo, basta pagkatapos ninyo diyan pahinga na din kayo."

"Yes po!" Panabay na sagot ng mga esrudyante.

Nagpaalam si Gregorio sa mga ito na pupunta ng kanyang silid. "Alas tres ng hapon dapat nandoon na kayo sa silid para ipagpatuloy ang inyong mga iginuhit." Bilin pa ng artist bago tuluyan lumabas ng kusina.

SINIPAT ni Alyssa ang suot na relo pambisig, 1:30 pa lang ng hapon. Niyaya niya ang kaibigan na pumunta sa harden para doon mag palipas ng oras. Iyong ibang mga girls, mas minabuti na magpahinga sa kani-kanilang silid.

"Hindi ba mainit doon?" tanong sa kanya ni Maggie.

"Mukhang hindi naman. Nakita mo naman ang daming malalaking puno ang nakapaligid dito sa mansiyon." Sagot ni Alyssa.

Tumayo si Alyssa. Kasalukuyan nasa kusina pa din sila nakaupo habang nagkukwentuhan.     

"Ikaw Daisy, gusto mo sumama?" Tanong naman ni Alyssa sa bagong kaibigan.

"Kayo na lang siguro, medyo inaantok kasi ako. Subukan ko muna umidlip," sagot nito. Tumayo ito at nagpaalam sa kanila ni Maggie.

"Samahan na kita!" boses mula sa likuran ni Alyssa.

Napalingon si Alyssa sa nagsalita. Si Carlos ang nakita niya at nakatayo sa gilid ng pintuan ng kusina. Nakilala nila ito kanina habang kumakain sila ng tanghalian.

May hitsura si Carlos may pagka-tisoy kahit na ang sabi nito ay purong pinoy ang parents niya. Matangkad at maganda ang built ng katawan.

Lumakad ang binata palapit sa kinaroroonan ng magkaibigan.

"Wala kasi akong makausap, 'yong ibang boys naman nasa kuwarto umidlip muna." Sabi nito, lumapit ito sa kanya.

"Mukhang nangangamoy pag - ibig dito," mahinang sabi ni Maggie na hindi naman nakaligtas sa pan-dinig ni Alyssa.

Pakiramdam ni Alyssa uminit ang magkabilang pisngi niya. In short nag blush siya sa sinabi ni Maggie. Nandidilat ang mga mata na sinaway ni Alyssa ang kaibigan.

"Umayos ka diyan," bulong ni Alyssa sa kaibigan at pasimpleng kinurot ito sa tagiliran ng bewang.

"Ouch!" reklamo ni Maggie habang hinuhuli ang kamay niya.

"Ano girls, pupunta ba kayo sa harden?" tanong ni Carlos sa kanila.

"Papunta nga kami doon ni Maggie," simpleng sagot ni Alyssa.

Hinawakan ni Alyssa ang dalawang braso ng kaibigan at hinila ito patayo.

''Shall we?" Nakangiting paanyaya ni Carlos. Ngumiti pa ang binata ng kay tamis kaya lumabas ang mapuputi nitong ngipin na lalong ikinadadag ng pogi points nito.

Napalunok si Alyssa. Madami na siyang nakakasalamuha na lalaki pero dito lang kay Carlos siya nakaramdam ng kakaiba. Kinikilig siya tuwing ngumingiti ang binata. Kumakabog ang kanyang dibdib. Naramdaman ni alyssa ang paghawak ni Maggie sa ilalim ng baba niya.

"Ang laway baka tumulo, masyado ka halata!" bulong na biro ni Maggie sa kanya at naunang lumabas ng kusina, naiwan silang dalawa ni Carlos.

"T-tara na," utal na sabi ni Alyssa. Nahihiya Alyssa siyang tumingin sa binata.

Sabay na naglakad palabas ng kusina sina Alyssa at Carlos. Nasa unahan naman nila si Maggie na panay ang selfie bawat madaanan kinukuhanan ng picture.

NAUPO sa bench ang tatlo. Maganda ang harden. Maraming mga ibat - ibang halaman. May mga ibat ibang uri ng bulaklak, may malaki may maliit at ibat ibang kulay.

''Hmmmmmm....." Sumamyo si Alyssa nang sariwang hangin. "Ang sarap dito ang fresh ng air at ang bango pa ng mga bulaklak."

"Oo nga girl," sagot ni Maggie at muli itong nag selfie kasama ng mga magagandang bulaklak.

"Saan nga pala kayo sa manila?" Tanong ni Carlos kay Alyssa.

"Taga bicutan kami. Iisang lugar lang kami ni Maggie. Pero hindi magkalapit ang mga bahay namin," sagot ni Alyssa medyo naiilang ang dalaga everytime na ngumingiti ang binata.

"Para na din namang iisang bahay lang ang inuuwian namin ni Alyssa, madalas akong nasa kanila." Singit ni Maggie.

"Ikaw, taga saan ka?" Si Alyssa naman ang nagtanong na hindi tumitungin kay Carlos. Kunwari nililibang niya ang sarili sa paghawak ng mga bulaklak.

"Taga Cavite ako." Sagot ni Carlos. "Pero sa manila ako nag-aaral ng college."

Nag kuwento pa si Carlos tungkol sa family nito. Broken family daw sila, parehong may ibang pamilya na ang parents nito kaya mas minabuti nalang daw nito na tumira sa lola niya.

Nakaramdam ng lungkot si Alyssa para kay Carlos.

"Sorry ha!" Iyon na lamang ang nasabi ni Alyssa.