Kabanata 8

"AYON! umamin din!" Tukso ni Miguel sabay tapik sa balikat ni Carlos. "Mukha naman mabait si Alyssa. Naku ang suwerte mo bro, kapag naging girlfriend mo siya."

Napangiti naman si Carlos sa sinabi nito. Wish niya lang na pareho sila nang nararamdaman ng dalaga.

"Eh ikaw, may nagugustuhan ka ba sa mga girls dito?" Tanong ni Carlos kay Miguel.

"Meron," mabilis na sagot nito. "Si Sofia!"

"Halata naman sa inyong dalawa ni Sofia na pareho kayong may gusto sa isat-isa." Sabi ni Noel sabay abot ng soda na nasa table. "Kung magtitigan kayo parang hinuhubaran n'yo ang isat-isa!"

"Loko!" Natatawang inakbayan ni Miguel ang katabi na si Noel sabay kinutusan niya ito sa ulo.

Sabay na napalingon sa mahabang hagdan ang mga binata. Nakita nilang pababa nang hagdan ang babaeng pinag-uusapan nila.

Si Sofia! Nakasuot ito nang puting top tube at maiksing short at mukhang bagong ligo.

Tinukso ni Noel si Miguel.

"Bro, mukhang fresh na fresh si crush mo." Bulong nito kay Miguel.

Tinakpan ni Miguel ang bibig ni Noel nang makitang padaan sa kinaroroonan nila ang dalaga. Tumayo si Miguel at nag paalam sa mga kasama, balak niyang sundan ang dalaga.

Tumango lang si Carlos at muling pinagpatuloy ang pagbabasa. Samantalang si Noel, balak pa samahan si Miguel.

"Samahan mo nalang dito si Carlos, panira ka lang sa diskarte ko eh!"

Nag pumilit pa si Noel pero paulit-ulit siyang tinutulak paupo ni Miguel kaya wala na itong nagawa kundi ipagpatuloy nalang ang kumain ng junkfood.

Bago tuluyan umalis sa sala, kumindat pa si Miguel sa mga ito. Sinundan nga ni Miguel si Sofia hanggang sa kusina.

Hindi ito namalayan ng dalaga. Kumuha ito ng baso at binuksan ang fridge. Inabot ang isang pitchel na may malamig na tubig. Nagsalin ng tubig sa baso sabay tungga.

"Hi!" Bati ni Miguel.

Napalundag naman sa gulat si Sofia. "Miguel naman nagulat ako saiyo, kanina ka pa ba diyan?"

"Medyo," simpleng sagot ni Miguel, tumingin siya nang deretso sa mga mata ng dalaga. Tingin na tila nang-aakit.

"Tigilan mo nga ako sa ganyang tingin, hindi mo ako madadala sa ganyan noh," kunway pagtataray ni Sofia. Sinara niya ang fridge, ngunit sa pagharap niya bigla siyang hinalikan ng binata.

"A-ano ba, Miguel," pigil ni Sofia sa binata, pero gumaganti na din ng halik.

Nang maramdaman naman ni Miguel na tila nagugustuhan na ng dalaga ang kanyang ginagawa, lalo pa naging marahas ang binata. Kung saan - saan na nakakarating ang palad nito na hindi naman nagawang pigilan ng dalaga.

"Ahemmm!" Tikhim mula sa likuran ng binata.

Mabilis na naitulak ni Sofia si Miguel nang ang artist na nakatayo sa likuran ng binata.

Mabilis na inayos ng dalawa ang sarili, nakayukong humingi ng paumanhin sa artist.

"Bumaba lang ako para magtimpla ng kape, kung hindi pa kayo inaantok puwede n'yo akong samahan sa tatlong palapag. Ipapakita ko sa inyo ang mga larawan na ginawan ko kanina." Nakangiting sabi ni Gregorio.

Tulad nga ng sabi ng artist, nagtimpla nga ito ng kape. Tila nag patay - malisya lang ito sa nakita.

"Sige po sasama kami ni Sofia," sagot ni Miguel sabay siko sa dalaga. Napalingon naman ito sa kanya.

"S-sige po Sir, sasama kami. Maaga pa naman para matulog." Ngiting sagot ni Sofia.

Pagkatapos magtimpla nang kape ni Gregorio, niyaya na nga niya ang dalawa. Akmang lalabas na ang mga ito sa kusina nang pigilan sila ng artist.

"May shortcut na papunta sa third floor, sumunod kayo saakin." Sabi ni Gregorio at nilapitan nito ang isang wall.

Nagtatakang nagpalitan ng tingin sina Sofia at Miguel.

Saglit lang at itinulak ng artist bahagya ang wall. Sumenyas ito sa dalawa na lumapit, agad naman na tumalima ang mga ito. Muling itinulak ng artist ang wall at bigla iyon bumukas, umikot ng isang beses.

"Wow! ang galing!" Bulalas ni Sofia nang mapansin na wala na sila sa loob ng kusina.

Ngumiti sa dalaga ang artist. "Alam mo naman kasi hija tumatanda na ako, hirap na akong umakyat sa matataas na hagdan. Kapag dito tayo dumaan isang hagdan nalang ang lalakarin ko."

Nakita nga nila ang isang hagdanan, iyon na siguro ang tinutukoy ng artist. Lumapit si Miguel sa artist at inalalayan itong humakbang sa hagdan.

Samantalang si Sofia binubusog ang mga mata sa mga painting na nakasabit sa wall.

Nang marating ng tatlo ang third floor agad na binuksan ng artist ang pinto. Walang atubiling pumasok naman ang dalawa kasabay nito. Agad na inusisa naman ng dalawa ang mga canvas na may mga larawan na, 'yon iba may mga kulay na pero hindi pa tapus.

Nang mapansin ni Gregorio na abala na ang dalawa palihim niyang ni-lock ang pinto.

"Ang ganda nito Sir!" Ani Miguel na ang tinutukoy ay ang nasa painting na lalaki at babae na tila sumasayaw ng tanggo!

Lumapit dito si Gregorio, humigop muna ng kape bago mag salita.

"Bagong gawa ko lang 'yan kanina, gusto mo ba na tapusin ang pagkukulay nito?" Tanong ni Gregorio kay Miguel.

"Eh Sir, baka masira ko lang 'yan, napakaganda pa naman." Sagot ni Miguel, pero ang totoo kating-kati na ang mga kamay nito na humawak ng paint brush.

"Sige lang, tsaka may tiwala naman ako saiyo!" Nakangiting tinapik ni Gregorio sa balikat ng binata. "Ikaw hija, baka may magustuhan ka sa mga larawan na hindi ko pa natapus kulayan puwede mo din subukan." Tanong naman nito sa dalaga.

"Talaga po?" Nanlalaki ang mga mata ni Sofia sa tuwa.

"Oo naman," sagot ng artist. "Pumili ka sa mga larawan na gusto mo lagyan ng kulay,"

"Ayyy! thank you Sir." Kinikilig na sabi ng dalaga at nagsimula na nga itong pumili ng mga larawan, halos lahat naman may mga kulay na pero iyong iba hindi pa tapos.

GAMIT ang paint brush na galing sa artist, nagsimula na nga ang dalawa na magpinta.

Napili ni Sofia ang larawan ng isang babae na naka red hat.

Samantalang si Miguel ay ang larawan ng tila magkasintahan na sumasayaw ng tanggo.

Nakaupo naman si Gregorio sa harapan ng dalawa, lihim itong natutuwa. Dinampot nito ang reciever ng telepono na nasa ibabaw ng table at kinausap nito ang katiwala.