Chapter 40.1

CLAIRE

NANDITO ako ngayon sa lugar kung saan inilibing si Melodie, nalaman ko kung saan dahil itinanong ko kay Quinn. Sinubukan kong kontakin si Louise pero hindi ko na siya makontact sa tingin ko nagtampo ito dahil hindi ako nakapunta sa libing ni Melodie.

"Melody sorry kung late ako," hindi ko na napigilan ang luha ko dahil talagang matalik kaming magkakaibigan tatlo.

"Alam mo sabi ko kapag naayos na ang problema ko ay papupuntahin kita dito para makita mo ang pamilya ko lalo na si Zekiel,"

Pinahid ko ang luha ko at naupo ako sa damuhan pagkatapos ay sinindihan ang kandila na dala ko, ipinatong ko na 'rin ang bulaklak na binili ko.

"Melodie gusto ko lang sabihin na miss na miss na kita, tapos malalaman ko wala ka na pala bakit? Bakit mo naman kami iniwan nang biglaan? Hindi ko matanggap eh,"

Mas dumami ang luha na tumutulo sa aking mga mata na halos hindi ko na mapigilan kaya hinayaan ko na.

"A-Alam mo ba buntis ako," napakagat ako nang aking labi dahil sa aking sinabi.