ELEVEN

Aniesha's POV

AGAD KONG minulat ang aking mga mata dahil sa hagikghikan ng aking mga anak. Mabilis ko silang hinanap at nang makita kong pareho silang naglalaro ng kanilang mga laruan ay kumawala ang ngiti sa aking labi.

Napaka-bait at napaka-lambing na mga bata. Nang maramdaman nila ang paningin ko ay sabay silang lumingon sa aking gawi pagkatapos ay sabay na tumakbo papalapit sa akin.

"Good Morning, Mom," ani Amari habang si Amaru naman ay sumabit sa aking balikat habang hinahalikan ako sa aking buhok.

"Okay, enough na po. Gising na si Mama at magluluto na ng baon niyo," nakangiting wika ko.

Nang makapagluto ako ng pagkain at baon nila ay agad ko silang tinawag maging ang aking bunsong kapatid na si Simon.

"Mom, where's Uncle Israel?" Tanong ni Amaru habang nasa hapag kainan kami.

Ibinaling ko ang paningin ko sa 'kanya pagkatapos ay ngumiti bago ako nagsalita, "Nasa work pa siya, baby eh."

Kita ko ang pag-nguso ng kambal at hindi ko mapigilang huwag mapangiti. Kuhang kuha nila