THIRTEEN

Aniesha's POV

"Sigurado ka? Sa tingin ko ay mahahanap at mahahanap pa rin kayo ng Lola nila Amari at Amaru kahit lumipat pa kayo ng ibang lugar," nag-aalalang tanong ni Kuya nang i-kwento ko sa 'kanya ang napag-usapan namin ng Ina ni Jaxson kanina lang.

Bumuntong-hininga ako at malungkot na tumingin kay Kuya. May punto ang kapatid ko, masasayang lang lahat ng efforts, pera at oras ko kung lilipat ako nang bahay upang magtago sa pamilya ni Jaxson dahil mahahanap at mahahanap pa rin nila kami.

"A-anong dapat kong gawin?" Naguguluhang tanong ko pagkatapos ay umupo sa 'kanyang tabi.

Rinig ko ang paghinga ng aking kapatid nang malalim kaya agad kong nilipat ang paningin ko sa 'kanya. "Mas mabuti siguro na ipahiram mo na lang ang mga bata sa kanila. Hindi naman siguro sila sasaktan ng pamilya ni Jaxson," ani Kuya patungkol sa kambal.

"Sorry for interrupting, but, who's not gonna hurt us, Uncle?" Biglang singit ni Amari sa aming pag-uusap dahilan para bumaling sa 'kanya ang paningin nami