CO 70:

•Gaea•

Pinahid ko ang pawis na naglandas sa aking mukha dahil sa init ng shooting area. Pinapunta ako rito ng kliyente dahil may itatanong daw sila tungkol sa ibang scene para sa mas magandang pagkakalahad no'n.

Kinuha ko ang juice na ibinigay ng isang staff at umupo sa bakanteng upuan malapit sa direktor. Malapit na namang matapos ang shoot at uuwi na rin ako kaagad dahil kanina pa nagte-text sa akin si Samantha dahil hinahanap na raw ako ni CN.

"Miss Montessori, thank you po sa pagpunta. Okay na po kami rito," saad ni Jasmine nang malapitan ako. Kaagad akong tumayo sa aking kinauupuan at inayos siyang hinarap. "Akala po namin Darren ay hindi ka po darating, eh," natatawa niyang usal sabay turo sa kanyang groom na kumakaway sa amin.

"Trabaho ko naman ito, Miss Jasmine, kaya kailangan ko itong pagtuunan ng pansin hanggang sa matapos. Gusto ko p