CO 76:

•Clyden•

Mabilis kong ikinilos ang aking mga paa at tinakbo ang kinaroroonan ng sasakyan. "Gaea! " hiyaw ko ngunit kaagad nang umandar ang van bago pa ako makalapit

Sinipa ko ang batong naapakan ko sa sobrang inis. Hindi ko man lang nakita ang mukha ng taong kumuha rito. Nagpupuyos ang damdamin na binalikan ko ang restaurant at naghanap ng pwedeng gawing ebidensya.

"Hi po, sir, kilala niyo po ba ang may ari ng kainan na ito?" magalang na tanong ko sa lalaking paparating. Tiningnan ko siya nang mabuti at basi sa nakikita ko ay nasa kwarenta na ang edad nito. May mayayabong na itong bigote at lima na ang makikita mong kunot sa kanyang noo larawan ng katandaan.

Tumingin siya sa akin at sinuri ang aking kabuuan. Sa tingin ko ay nagdadalawang-isip ito kung sasagutin ba ang tanong ko para matulungan ako o hindi dahil natatakot itong may gawin akong