CO 66:

•Gaea•

Inaamin ko naman na malaki na nga ang pinagbago ni Clyden ngayon. Kung dati ay kailangan pa nito ng ebidensya para maniwala sa akin, ngayon naman ay siya na mismo ang naghahanap ng ebidensya para mahuli ang mga taong gumagawa ng masama sa akin.

"Mommy, is daddy still busy po ba? Five days na po siyang hindi umuuwi po," tanong sa akin ni CN nang maghapunan na kami.

Sa tuwing nagtra-trabaho ako ay dinadala ko ito sa opisina para makasigurado ako na ligtas siya. Sumang-ayon naman si Kenneth at Miss Nancy sa desisyon ko na ito dahil may floor naman talaga roon na para sa mga bata.

Pati ang plano namin ni Kenneth ay hindi na natuloy dahil sa pangyayaring iyon. Napag-usapan namin na baka sa susunod na lang na linggo namin gagawin iyon.

Nilagyan ko muna ng adobong manok ang kanyang plato bago tumango bilang sagot sa tanong niya.