Chapter 41 (Dwight)

"WHAT does this mean, Dr. Zachary?" Inis na ibinalibag ni Dwight ang hawak na papel. Iyon ay ang resulta ng Semen Analysis niya five years ago.

Base sa nabasa niya. Magkaiba ang resulta na natanggap niya. Ang resulta noon ay nagsasabing baog siya. Habang ang bago nama'y nagsasabing malusog ang sperm cells niya, at marami ang sperm count niya. Samakatuwid, he wasn't a barren man. Hindi siya baog! Kahit ilang lahi pa ang i-produce niya ay kayang-kaya niya.

Napahilamos siya ng mukha. Nagpalakad-lakad siya nang paroo't parito habang nakapamulsa sa faded denim pants na suot. Nang dahil sa resultang iyon, nagkaleche-leche ang buhay niya. At ang masakit pa sa lahat, hindi niya pinangatawanan ang pagiging ama sa mga anak nila ni Syrellie, dahil lamang sa akala niyang hindi siya ang ama ng ipinagbubuntis nito—ang akala niya'y nagpagalaw ang dalaga sa ibang lalaki. Hinusgahan na naman niya ito nang wala namang dahilan. Damn! Marami na siyang kasalanan kay Ellie.