Chapter 93

Chapter 93

Dixon POV

Maaga akong nagising kinaumagahan dahil ngayon ay kaarawan ng aking mahal na si Anne. Nais kong ipagluto siya ng espesyal na almusal.

Linggo ngayon, kaya't plano naming maghanda ng isang sorpresa para sa aming reyna.Si Amara ang inatasan kong maghanap ng magandang restaurant kung saan namin gagawin ang sorpresa para sa kanilang ina.

Samantala, ang kambal na sina Stanley at Sitti, na 13 taong gulang pa lamang, ang bahala sa pagpapatawa at pag-intertain upang hindi siya makahalata sa aming plano.

Habang abala ako sa kusina, hindi ko maiwasang mapangiti habang iniisip kung gaano kaswerte ako na kasama ko si Anne. Hindi niya alam na may malaking sorpresa kaming inihanda, at tiyak kong magugustuhan niya ito.

Pagkatapos kong ihanda ang paborito niyang almusal—omelet na may sariwang gulay at crispy bacon—tinawag ko ang mga bata para sabay-sabay kaming magdala nito sa kwarto. Narinig kong tumatawa na ang kambal sa sala, palatandaan na malapit nang magising si Anne