Chapter 64

Chapter 64

Nagising ako sa ingay na naririnig ko. Tinanong nila si Dixon kung anong nangyari sa mukha niya dahil may bakas ng kamay doon. Hindi ko muna binuksan ang aking mga mata; gusto kong marinig ang mga sagot ng aking asawa.

"Nasampal po, Ma," sagot ni Dixon.

"Ano? Sino ang nagsampal sa'yo?" tanong ni Mama.

"Si Anne, Ma. Ewan ko ba, bigla na lang niya akong sinampal nang ginising ko siya dahil nanaginip ata at pinagmumura pa ako. Ako daw ang dahilan kung bakit nawala ang kambal," paliwanag ni Dixon.

"Ah, baka masama ang kanyang panaginip," sabi ni Mama. Bahagya akong umungol para mabaling ang kanilang atensyon sa akin.

"Hmmmm..."

"Anak, gising ka na pala," sabi ni Mama.

"Misis ko, may gusto ka bang kainin? Sandali at kukuha ako ng makakain para sa'yo," alok ni Dixon.

"Ipag-hain mo siya ng mainit na sabaw, anak," utos ni Mama kaya dali-dali itong umalis para bumili ng pagkain ko.

"Kumusta ang pakiramdam mo, anak?" tanong ni Mama.

"Okay lang po ako, Ma. Medyo m