Chapter 3

Eli

Natapos na ang exam namin sa subject na Filipino. Grabe, mabuti na lang at nakapagreview ako ng todo dahil medyo madugo at nakakalito 'yung ilan sa mga questions sa exam. Kilala si Professor Alvarez na mahirap gumawa ng test papers na para bang ayaw nito na may nakakapasa sa subject niya. May mga ganitong tipo ng guro kaya mas okay talaga kung mag-aaral ka ng mabuti kaysa umasa lang sa stock knowledge. Ayun, nastock tuloy yung iba sa unang bahagi pa lang ng exam. Ang sabi nga nila, kung sasabak ka sa giyera ay dapat na palagi kang handa. Kung marami kang baong bala ay mas maraming tiyansa rin na may matatamaan ka.

After ng exam ay nagkaroon kami ng fifteen minutes break bago sumalang sa susunod pang exam.

Nagugutom na rin kasi ako. Kasabay ng pagkatuyot ng utak ko ay siya namang pagkalam ng aking sikmura. Mabuti pa sigurong bumili ako ng isang biscuit at bottled juice na malimit kong bilihin sa canteen.

Itatago ko na sana ang ilang gamit ko sa bag para makalabas na ng classroom nang biglang mahulog sa sahig 'yung pudpod kong pambura at gumulong ito patungo sa direksyon ni Theo.

Hawak niya noon ang kanyang cellphone habang kinukutingting ito subalit naoansin niya pa rin ang gumugulong kong pambura hanggang sa harangin niya ito ng kaliwa niyang paa.

Itinigil niya ang kung anong ginagawa niya sa kanyang cellphone at dahan-dahan siyang yumuko para abutin ang istupido na ay pudpod pang pambura. Anak ng! Pambihirang pambura!

Makikita sa anggulo ni Theo ngayon ang matangos niyang ilong na minana niya siguro sa half-filipino half-spanish niyang Ina. Nakaramdam tuloy ako ng inggit at napaisip na sana'y ganoon nalang 'din ang ilong ko sa kanya.

Theo turns his head towards my direction. He's really good looking but definitely not my type.

Napaangat ang kanyang tingin sa akin tsaka niya itinanong kung sa akin ba 'yung nahulog na pambura.

"Oo sa akin 'yan. Salamat." Wala ako sa sarili nang sagutin siya.

Hindi ko alam kung ako lang ba o napansin din niya, pero ang awkward lang kasi ng pagkakasabi ko noon sa kanya. Ewan ko kung bakit. Siguro'y dahil naalala kong paborito niya ang bandang The Blue Five at ang bokalista nitong si Adam Lebrain ang profile picture ni John Smith.

Bago pa makapagsalitang muli si Theo ay kinuha ko na yung pambura mula sa kanyang kamay at itinago ito sa bulsa, pagkatapos ay nagmadali na ako palabas ng silid.

"Excuse me." Pasintabi ko sa isa sa mga babae kong kaklase na sa harapan pa talaga ng pintuan napiling mag ayos ng sarili. "Ay, sorry." kaagad nitong sabi sabay sulong palabas na rin ng class room.

Bukod sa pag-iwas ko kay Theo ay kanina pa ako atat na atat makapagbreak para matingnan ang notifications sa MATCHED.

May nagmessage na kaya sa akin?

Habang naglalakad ay madali kong kinuha ang aking cellphone mula sa kanang bulsa ng kulay itim kong slock pants.

It's 9:03 AM.

Nakarating na ako sa canteen na halos dalawampung hakbang lang ang layo mula sa aming class room. Yes, sobrang lapit lang nito sa room namin kaya hindi problema kung kinse minutos lang ang break na ibinigay sa amin.

Pagkatapos kong makabili ng kakainin ay naupo ako sa isang bakanteng mesa at doon ko binuksan ang account ko sa MATCHED. May ilan akong notifications doon. Tatlo sa mga user na minatch ko kagabi ang nagmatch-back sa akin pero wala silang iniwan na message o chat. Wala man lang kahit simpleng hi o hello?

Binuksan ko ang chat box namin ni John Smith kung saan nagrerequest siya ng follow back sa akin kagabi. Hindi na iyon nasundan pa ng ibang mensahe kasi nga ay hindi naman ako interested sa account niya noong una.

Ngunit nagbago ang ihip ng hangin dahil sa natuklasan ko ngayong umaga. Idol ni Theo ang bandang The Blue Five at ang bokalista nito ay ang sikat na Adam Lebrain. Si Adam Lebrain na siya namang profile photo ni John Smith.

Masyadong malawak ang imahinasyon ko! Nakakabaliw!

Wala man akong ibang basehan pero posible nga kayang si Theo ang may ari ng account na ito?

Pinuntahan kong muli ang profile ni John Smith at wala pa ring kahit anong nakalagay doon bukod sa picture ni Adam Lebrain.

Nakakaloka! Wala man lang ibang clue?

Puwes, isa lang ang paraan para malaman kung sino ang nasa likod ng account nitong si John Smith.

Pinindot ko ang match button sa kanyang profile, at naghighlight iyon sa salitang MATCHED. Pagkatapos noon ay nagsend ako ng message pabalik sa kanya.

pepper_mint08:

Hi, sorry late reply.

Ilang taon ka na pala at tsaka saan ang location mo?

sent 9:10 am

Feeling close na kaagad ako pero ang totoo niyan ay wala na kasi akong maisip na itanong sa kanya kaya sinimulan ko na lang ang pagtatanong sa kung ano'ng age niya at kung saan siya nakatira. Hindi nga kasi siya naglagay ng details sa profile niya kaya wala talaga akong ideya.

Naghintay ako ng reply mula kay John Smith. Nagbabakasakaling online din siya pero mukhang bigo ako na makausap siya ngayon.

fifteen minutes is almost over.

Plano ko sanang maghintay ng ilan pang minuto, ang kaso ay hindi kasi ordinaryong araw ngayon ng klase. We still have exams to take.

Dahil doon ay minabuti ko na lang na bumalik sa class room para makapaghanda ulit sa susunod na subject.

Pagkapasok ko sa pintuan ng silid ay halos kumpleto na ang lahat. Nasa unahan pa rin si Professor Alvarez at abala sa paga-ayos ng mga test papers. Kumain na kaya itong si Ma'am?

Habang nilalakad ko ang daan pabalik sa aking upuan ay napansin ko ang makahulugang sulyap sa akin ni Theo. Iba iyon sa paraan kung paano niya ako tingnan noon. Napaiwas tuloy ako ng tingin sa kanya.

Last time na nanalamin ako ay nu'ng bago ako umalis ng bahay pero nasisiguro ko na wala namang nabago sa ayos ng aking itsura magmula kanina. Wala naman siguro akong dumi sa mukha 'diba?

Nagpatuloy sa paglalakad at hindi na lang pinansin si Theo. Mahirap nang mag-assume sa panahon ngayon.

Pero sandali.

Hindi kaya siya talaga si John Smith at nabasa niya 'yung chat ko sa kanya kanina? No way! Maybe nag-ooverthink lang ako. Hindi naman kasi ako sure kung siya nga ba ang nasa likod ng account ni John Smith. At hindi sapat na ebidensya na paborito niya ang The Blue Five para isiping sila ni John Smith ay iisa. Am I right?

Isa pa, wala rin naman akong dapat ipangamba dahil tago rin ang pagkatao ko sa MATCHED. Nakatalikod kaya ako sa profile picture ko doon.

So if ever man na magkataong si Theo at si John Smith ay iisa, hindi naman niya alam na ako ang nasa likod ng account ni pepper_mint08. At lalong hindi niya dapat na malaman iyon dahil katapusan ko na kung sakaling mangyayari iyon.

Sinabi ko sa aking sarili na walang dapat makaalam ng tunay kong kasarian hangga't hindi pa ako nakakagraduate sa University'ng ito.

Hindi pa ngayon.

11:27 am.

Tatlong subject pa ang natapos namin bago nagdesesiyon ang isa pa naming instructor na plabasin kami for lunch. Bumalik na lang daw kami pagkatapos ng isang oras.

So lumabas ako ng Colegio de San Nicolas para maghanap ng makakainan. Kung hindi ko pa nababangit, nasa loob pala ng siyudad ng San Nicolas ang school na pinapasukan ko kung kaya't kabi-kabila ang mga naglalakihang building at mga malls sa paligid nito.

Palagi akong nagla-lunch sa loob isang mall dahil sa napakainit na singaw ng hangin sa labas. 

Mapapansin na maraming nagkalat na college students sa mall tuwing lunch time. May mga couple na akala mo'y nasa loob ng bahay kung makapag-PDA. Mayroon ding maiingay na magkakatropa, squad goals, habang ako nama'y nag-iisa.

Wala akong kasama hindi dahil sa walang nagyayaya sa akin kundi dahil mas gusto ko lang talaga ang mapag-isa. May ilang kaklase ako na nagyayaya sa akin pero hindi ko naman sila kaclose kaya sinasabi ko na lang sa kanila na next time ako sasama, kahit na ang totoo ay wala naman talaga akong balak na sumama sa kanila. I'm a loner at hindi itatanggi iyon.

Naghihintay ako sa inorder kong hot and spicy fried chicken with fries nang maalala ko ang aking cellphone. Pagkabukas na pagkabukas ko pa lang ng mobile data ko ay biglang may lumabas na notification galing sa MATCHED.

May new message galing kay John Smith!

I ignored some messages from friendsbook at pinindot ang message notification ni John Smith.

john_smith:

18 ako. Ikaw ilang taon ka na?

seen11:43 am

Oh my! Magkasing edad lang kami? So that only means... teka hindi ko nga pala alam kung ilang taon na si Theo pero siguro naman ay magkasing edad rin kami?

I typed something on my keypad and replied to him with a very unusual excitement.

pepper_mint08:

Ah, parehas lang tayo, 18 lang din ako. Sa San Nicolas nga pala 'yung place ko. Eh ikaw? Hindi mo pa nasasabi kung taga saan ka?

sent 11:44 am

Ilang minuto na ang lumipas nang magreply ako sa kanya pero hindi pa rin siya nagrereply.

Habang naghihintay ako sa reply ni John Smith ay dumating na 'yung order ko. Shocks! Ang bango ng fried chicken, pero shit! Mukhang mas mabango si kuyang crew na nagseserve ng order sa akin. Hot and spicy 'yung manok na inorder ko pero mas hot sa paningin itong si kuya na ngayon ko lang yata nakita dito sa McJolly. Madalas kasi akong kumain dito at hindi ko naman siya napapansin noon.

Bago lang kaya siya dito?

Napatitig ako kay kuya dahil sa mukha niyang tila ba'y pang-modelo. Mukha siyang banyaga. Matangos ang ilong at makakapal ang kanyang kilay. May pagkatoned ang katawan niya at sa laki ng kanyang braso ay halos pumutok ang manggas ng suot niyang uniform. Plus, nakaka-intimidate rin ang balat niya na para bang anak mayaman sa sobrang kinis at puti.

"Sir kompleto na po ba ang order niyo?"

Hindi ako nakasahot sa kanya at nagpatuloy sa pagkilatis sa kanyang kaakit-akit na itsura. Talaga bang isang crew ang lalaking ito dito? Para kasi akong nakakita ng isang model sa sikat na magazine.

"Sir? May kulang pa po ba?... Sir?"

Bigla na lang akong natauhan nang mapansing kumukunot na ang makinis nitong noo. My God! Kinakausap niya pala ako!

"O-oo. Okay na 'tong order ko. Salamat.. W-wildon?" Taranta akong  sumagot sa kanya. Nakita ko namang nadagdagan ang kunot sa kanyang noo na siyang lalo niya pang ikinacute. Siguro'y nagtataka siya kung paano ko nalaman ang kanyang pangalan. So I pointed the name-tag pinned on his left chest.

"Kung hindi ako nagkakamali ay Wildon ang pangalan mo, hindi ba?" Nakangiti kong sabi sa kanya bilang pahiwatig na gusto ko siyang makilala.

"Ah, O sige po sir ku'nin ko na po itong tray." Ngumiti siyang pabalik sa akin at halos mangisay ako sa kilig. Hindi talaga ako malanding bakla pero bakit nakakaramdam ako ng ganito sa kanya. Looks can be deceiving ika nga pero sadyang malakas ang dating sa akin nitong Wildon.

Ang creepy ko siguro dahil sinundan ko siya ng tingin papunta sa loob ng staff room hanggang sa tuluyan siyang maglaho sa paningin ko. Nakangiti akong bumaling sa pagkaing sinerve ni Wildon at nakakabaliw mang pakinggan, pero iniisip ko siya habang kinakain ang pagkaing sinerve niya.

Sa kaligitnaan ng paginom ko ng softdrinks ay bigla namang nagvibrate ang cellphone ko.

Nagreply na sa akin si John Smith!

Tumayo na ako at nagsimulang magtype ng irereply kay John Smith. Naglakad na rin ako pabalik ng University dahil malapit nang matapos ang lunch break namin.

john_smith:

Taga-San Nicolas din ako bro. Kaya nga kita finollow kasi nakita ko sa profile mo na parehas lang tayo ng place. Alam mo na, para makapagmeet din tayo kung gusto mo.

seen 12:20 pm

So nasa iisang siyudad lang pala kami nakatira nitong si John Smith? At gusto niyang makipagmeet kami kung saka-sakali sakali?

Kinukutuban na talaga ako.

pepper_mint08:

Ah... O siya sige mamaya nalang ulit. Patapos na kasi lunch break namin. Balik muna ako sa room kasi may klase pa ako.

sent 12:23 pm

Base sa mga impormasyong nakukuha ko mula sa kanya ay mas lalong lumalaki ang posibilidad na siya nga at si Theo ay iisa.

We're getting there. At nang malapit na akong makapasok ng class room ay nagsend ako ng last reply kay John Smith.

pepper_mint08:

Nice to meet you pala Mr. John Smith.

sent 12:26 pm

Pumasok ako sa loob ng classroom at kaagad kong hinanap ang kinaroroonan ni Theo. Kaagad rin siyang lumingon sa kinaroroonan ko kung kaya't nagtamang muli ang panginin naming dalawa.

Wether it's Theo or nothing, I'm looking forward to meet you in person, Mr. John Smith.

End of chapter