BANCEO 97

ELIZABETH

“Tama na po ba ito Doc?”

“Tama na iyan, anak, at ilagay mo muna iyan sa tabi dahil hindi pa ako tapos magbalat,” aniya. We’re making Maruya, request ni Sico at daddy Zee.

Nasa fish pond pa sila ngayon ay panay pa tawanan. Naririnig nga namin ang mga tawa nila dito sa loob dahil sobrang lakas ng halakhak nila.

“Ganiyan talaga iyang si Zee at Sico,” sabi ni Doc. “Close kasi ang dalawang iyan dati, halos hindi na nga maipaghiwalay. Iyan din ang rason ng bangayan ni Harold at Zee. Nagsi-selos kasi si Harold diyan sa isa lalo’t ang anak na siya sana niyang kamukha ay sobrang malapit kay Zee.”

Nakikita ko nga kung gaano ka nagkakaintindihan ang dalawa na para bang may sarili silang mundo.

“Si Rico kasi ay parang si Harold ang ugali. Masiyadong seryoso naman ng batang iyon pero pareho namang mahal ni Zee. Itinuring niya kasi ang kambal na anak niya.”

“Nakakatuwa nga po pala talaga sila,” nakangiting sabi ko.

“Masiyado kasing magulo ang buhay ni Lorelay dati kaya heto at nakilala na