88

Dalawang linggo ang lumipas, maraming nagbago kasama na roon ang ugali ni Janella. Hindi nila maintindihan kung bakit nagiging grumpy si Janella. Kahit si Diego ay nahihirapan kausapin si Janella kung ano ba talaga ang gusto niya.

“Mom, I don’t like the smells of this.” Inilayo niya ang pork steak na nasa harap niya. Kumunot naman ang noo ng kanyang ina na si Jane dahil inaayawan na naman ni Janella ang pagkain, kahit iyong paborito niyang pagkain ay ayaw niyang kainin.

“Janella, ilang araw ka ng hindi nakain dahil lang ayaw mo sa mga amoy ng mga hinanda ko. Kahit ang pabango ng mga kapatid mo na lagi mo namang naamoy ay nagagalit ka na kapag naaamoy mo. Palagi ka ring galit sa asawa mo sa tuwing nakikita mo siya. Buntis ka ba?”

Nanlaki ang mga mata ni Janella sa huling sinabi ni Jane, kumunot ang noo niya. Lumapit din ang kanyang ama na si Jarold, sa loob din ng dalawang linggo ay nakakatayo na siya at nakakapagsalita na kahit kaunti. “Anak, masama ba ang pakiramdam mo? Tama ang in