65

“I said shut up!” Agad na binaba ni Liah ang tawag pagkatapos sigawan si Felicia habang si Felicia naman ay tawa nang tawa nang maramdaman ang galit ni Liah.

Bumuntonghininga si Liah, nanggigil habang nakatingin sa cellphone ni Janella. Hindi niya alam kung bakit iyon ang sinabi ni Felicia sa kanya, matagal na ang panahon ng nangyari iyon. Totoo na siya ang dahilan sa tulong ni Sandy kung bakit nabuking sina Apollo at Janella noon kaya nagalit ang magulang ni Apollo sa kanya at inilayo kay Janella.

Pagkatapos kumalma ni Liah, naglakad siya patungo sa kwarto nina Janella at Diego. Nakita niyang seryosong nag-uusap sina Janella at Sandy nang buksan niya ang pintuan kaya nasa kanya na ngayon ang attention nina Janella at Sandy.

“What happened? Anong sabi niya?” tanong ni Janella. Saglit na umiwas ng tingin si Liah at bumaling kay Sandy na nagtataka rin at gustong malaman ang sinabi ni Felicia.

“Inaway ko lang siya para hindi ka na guluhin. Huwag ka nang makipagkita sa kanya, sa katula