58

Dalawang linggo ang nakalipas at maayos na nakauwi sina Diego at Janella sa Pilipinas, tulad nga ng sinabi ng pamilya ni Janella at mga kaibigan na sina Sandy at Liah na magdala ng mga bagay mula sa paris, kaya naman maraming binili si Janella para sa kanila. Hindi maipagkakaila ang saya ni Janella nang natapos nilang puntahan ang mga lugar na nasa listahan sa dalawang linggo lang. Pagod silang dalawa ngunit hindi nila iyon iniinda dahil masaya naman at tunay na napakaganda naman talaga sa Paris. Sa kabutihang palad, wala namang nangyari ulit na danger sa kanilang dalawa dahil na rin todo bantay ang mga tauhan ni Diego sa kanila, sinisigurado nilang walang makakalapit kina Diego at Janella.

“Parang ang tagal kong nawala rito sa Pilipinas” Nakangiting sabi ni Janella, hinawakan ni DIego ang kamay niya at sabay silang bumaba ng kotse.

“Kung nais mong tumira roon, we will do that.” Hinampas siya ni Janella sa braso, malabo para sa kanya ang tumira sa ibang bansa dahil ang gusto niya l