48

Dahan-dahang ibanaba mula sa himpapawid ang helicopter na sinakyan nina Diego at Janella sa baba. Mayroon na rin nag-aantay sa kanila ng iilang personnel para alalayan ang kanilang pagdating. Saglit lang ang kanilang binyahe dahil silang dalawa lang naman ang sakay kasama ang pilot at co-pilot na kinuha ni Diego. Kasamahan niya ang mga ito sa Dark Blood Organization.

Habang inaalayan ni Diego si Janella na bumaba ng helicopter, namangha si Janella sa sobrang hangin at lawak ng lugar. Bumaling din siya sa mga lalaking nakatayo at may dalang mga malalaking baril na tila ba pinoprotektahan talaga sila ng sobra. Nais pa sana itanong iyon ni Janella ngunit naalala niyang kasamahan ito ni Diego sa mafia organization. Hinayaan niya na lang ang kanyang sarili na humawak kay Diego. Nakarating sila ng Paris na walang aberya, at habang nasa himpapawid, masayang pinagmasdan ni Janella ang natatanaw mula sa taas. Masaya siya nang maranasan niya ang kanyang pangarap na lumipad at makapunta sa gus