Kabanata 95

Apat na araw na ang nakalilipas, nagtatago pa rin ako rito sa pad namin ni Olive. Hindi ko na yata kayang magpakita pa ulit kay Russel. No way! Kung ano man ang dahilan niya sa pagpunta rito at sa pagbili ng paintings ko, bahala siya sa buhay niya. Iiwas at magtatago ako hangga't kaya ko.

“Baka tanggalin ka na niyan sa team,” tukoy ni Olive kay Mr. Andrew.

Kabababa ko lang ng cellphone pagkatapos ng pangatlong tawag ni Mr. Andrew sa araw na ito. He keeps asking me about what happened in the event. Kinakamusta ako kung ayos lang ba talaga ako. Kung sabagay, matapos kong umalis doon nang walang paalam, I don't think they would buy my poor reasons. Una, idinahilan kong biglang sumakit ang tiyan ko. Pangalawa, inirason kong masama pa rin ang pakiramdam ko nang 'di na ako nakasipot sa second night. Pangatlo, ang sabi ko'y walang magbabantay kay Alias dahil umalis si Hailey, at mayroon pang iba.

At ngayong araw, tatlong beses nang tumawag si Mr. Andrew, nagtatanong