Chapter 91

"Totoo ba ang sinabi sa akin ni Tracy, pare? Wala na kayo ni Issay?"

Naikuyom ni Louie ang kamao sa tanong ni Minho. Katanghaliang tapat ay naglalasing siya sa bar nito. Hindi mawaglit sa isip niya si Elyssa at hindi siya makapagpokus sa trabaho kaya pagkatapos ng usapan nila kanina ay dito siya dumiretso.

"Yes, we argued, but we didn’t break up. Bakit ka ba naniniwala sa sinasabi ng babaeng ‘yun?” Nilagok niya ang natitirang alak sa baso bago muli iyong sinalinan.

Nasa private launch siya sa bar ni Minho at nang malaman ng kaibigan na naglalasing siya rito ke-aga-aga ay agad siya nitong pinuntahan. 

Nakaupo si Minho sa harap niya at sinamahan siya na mag-inom dahil katulad niya ay bigo rin ito. 

“What is it, then? Bakit nasabi ni Tracy na hiwalay na kayo? Nakitulad pa kayo sa amin ni Marra samantalang ang saya-saya ng relasyon ninyong dalawa!" Naiiling na ani Minho.

Marahas siyang bumuga ng hangin at sumand