Chapter 4

Pinutol na niya ang kanilang usapan. Bago umalis si Elijah ay nagiwan siya ng salita sa malamig na tono. “Sabrina, huwag mong hayaang tawagan ako Eliza ni kung may kailangan ka.”

Matapos niya iyong sabihin, agad siyang tumalikod at umalis ng walang pagdadalawang isip.

Kalalabas lang ni Elijah. At sa pagtalikod niya ay nakarinig siya ng malakas na kalabog.

Marahas siyang napalingon at nakita niya si Sabrina na nakabulagta na sa sahig na kanina ay nasa maayos lang ang kalagayan.

“Sabrina, pinagsabihan na kita na hindi na uubra sa akin ang pakulo mong iyan.”

Nakahiga lang si Sabrina sa malamig na sahig. Hindi naman siya talaga nawalan ng malay .At ang marinig ang sinabing iyon ni Elijah ay mas lumamig ang pakiramdam niya. Napakalamig na nanuot sa kanyang katawan.

Sa katunayan, ay naisip niya na nagdadahilan lamang ito para mapanatili siya.

Sa mga mata niya, ay isa itong masamang babae na handang gawin ang lahat para sa kanya.

Limang taon na ang nakalilipas, gumawa ito ng paraan para paghiwalayin siya at ni Nathalie. Sinadya nitong lagyan ng droga ang inumin niya sa araw mismo ng kanilang anibersaryo para makatabi siya nito sa kama at doon pilit na pinaalis si Nathalie.

Hinayaang mangibang bansa kasama ang anak nito na may sakit na siyang nagdusa ng husto.

Pagkalipas ng limang taon bumalik si Nathalie kasama ang anak nito.

Muli siyang nainggit at nagselos at doon hinimok si Isabella na magpanggap na may sakit para mabaling ang pansin nito mula sa may sakit na si Isabella.

Hindi niya kayang makipagtalo noon kaya pinilit niya ang kanyang anak at ipinaliwanag dito ang gusto niya. Pero hindi pala kailangang magpanggap si Isabella dahil talagang may sakit din ito.

Pero hindi naniniwala doon si Elijah.

Gustong tumayo ni Sabrina para sabihing umalis na lang ito. Pero nanghihina siya. Wala siyang lakas para isatinig ang nasa isip. Pilit man niyang gustuhing kumilos ay nakaramdam siya ng pagkahilo at tuluyan siyang nawalan ng malay.

Sa kinatatayuan ni Elijah sa labas ng pinto ay natigilan siya ng makitang hindi na gumagalaw si Sabrina.

Mabilis siyang lumapit dito at hinila ito patayo mula sa sahig.

“Sabrina, huwag mong isipin na kahit prinuprotektahan ka ni Lola ay hindi ako mangangahas na masaktan ka.”

Bago pa man matapos ni Elijah ang may galit na salita ay nakita niya si Sabrina na muling pabagsak sa sahig.

Ang kanyang galit ay biglang naglaho. At bago pa man tuluyang bumagsak ito sa sahig ay mabilis niya itong nasalo sa kanyang mga bisig.

Ang makita si Sabrina na nakapikit at namumutla sa kanyang bisig ay alam ni Elijah na hindi na lang ito nagpapanggap.

Kalahating oras ang matuling lumipas. Si Asher Leviste, na siyang nakatanggap ng tawag mula kay Elijah. Pagkapasok ng bahay ay agad itong nagpunta ng pangunahing silid para tignan si Sabrina.

Pagkatapos ng masusing pagsusuri, tumayo ito.

“Anong nangyari sa kanya?”

Bago pa man makapagsalita Asher para ipaliwanag ang nangyari sa kalagayan ni Asher ay naunahan na magsalita si Elijah.

Ang boses nito ay halatang hindi interesado.