Chapter 22

Nagpasya na rin naman kaming bumaba ni Primo para samahan ang mga kaibigan namin pagkatapos ng ilang minuto. Medyo kinakabahan nga ako kasi alam ko na aasarin kami ni Luna kapag nakita niya kami.

At hindi nga ako nagkamali, pagkababa kasi namin at nang makita nila kami ay agad kaming sinalubong ng nang-aasar na ngisi ni Luna habang silang apat naman ay abala sa pag-aayos ng mga dalang groceries.

“Tagal natin bumaba, ah? Success ba?” makahulugang tanong pa niya kaya nagtawanan ang iba, maging si Primo ay mahinang natawa samantalang ako ay napanguso na lang dala ng kahihiyan.

Siyempre, alam ko na iisipin nila agad na may nangyari sa amin ni Primo. I mean, Luna and Attorney Macus caught us kissing. Tapos ang akala pa nilang lahat ay may relasyon na talaga kami ni Primo, kaya alam ko na hindi mawawala sa isip nila ang mahalay na bagay na iyon.

“Walang nangyari, Luna, kung iyon ang iniisip niyo,” agad na sagot ko kaya mas lalo silang nagt