Chapter 29

“Hindi ka ba sasabay sa aming mag-dinner, anak?” tanong ni Mama sa akin.

Kasalukuyan kaming nasa hapag nina Dad, at silang dalawa lang ang kumakain. Alas seis na ng gabi, ang akala ko ay kaninang alas cinco ako pupuntahan ni Primo rito pero hanggang ngayon ay wala pa rin siya.

Nag-text naman ako sa kanya kaninang pagkagising ko, at nagsabi rin naman siya na baka medyo ma-late daw siya.

“Baka sabay na po kami ni Primo,” sagot ko naman, ngumiti si Mama bago marahang tumango.

“Alright, then,” aniya.

“Naging kayo ba habang nasa Isla Amara kayo?” tanong ni Dad, tumango naman ako.

“Opo,”

“Pero may article akong nabasa na sinabi niyong engage na kayo noong dumalo kayo ng business conference sa Lakehouse,” sabi pa ni Dad.

“Uhm, nandoon po kasi si Jeric noon, kaya gano’n ang pinalabas namin,” paliwanag ko.

“Jeric Ignacio?” tanong niya, tumango naman ako ulit.

“Yes,