Chapter 34

“Bes!” masaya at malakas na sigaw ni Luna pagkapasok ko sa bahay namin. Mahina pa nga akong natawa nang halos makipag-unahan pa siya sa pagsalubong sa akin at agad niya akong niyakap.

“Kumusta, Luna?” nakangiting tanong ko at niyakap ko rin siya pabalik.

“Okay na okay, bes! Naku, ang saya naman kasi nandito ka nang gaga ka!” sabi niya kaya napangiti ako, hindi ko alam kung gaano niya ako katagal na yakap.

“Luna, kami naman! Masyado mo nang sino-solo ang anak ko, aba, hindi lang ikaw ang naka-miss sa kanya!” may halong pagbibiro na wika ni dad kaya natawa kaming lahat.

Mabilis na lumipas ang tatlong buwan, at sa tatlong buwan na iyon ay wala akong ibang ginawa kung hindi ang mag-travel sa iba’t ibang bansa gamit ang ipon ko.

Pinayagan naman ako ni dad kasi alam niya na iyon ang kailangan ko para makapag-isip sa kung ano ba talaga ang gusto kong gawin sa buhay ko.

Sa loob ng tatlong buwan ay hindi ako nagparam