Chapter 35

“Welcome back!” nagulat ako pero agad ding napangiti nang pagkapasok ko sa opisina ko sa WGC ay nakita ko ang head ng iba’t ibang departments, kasama rin nila si Lyn.

May hawak na bouquet ang HR Manager habang si Lyn naman ay hawak ang isang chocolate cake. Tapos sa lamesita ay ang daming nakalapag na pagkain.

Hapon na nang dumating ako. Kung tutuusin ay wala pa akong plano na pumasok ngayong araw, pero dahil wala naman akong jetlag at naiinip ako sa bahay ay nagpasya ako na magpunta na lang sa opisina ko.

Alam ko naman na marami akong kailangang habulin na trabaho. Malamang ay si dad ang may sabi kay Lyn na darating ako kaya nakapaghanda sila ng ganito.

“Grabe, nag-abala pa talaga kayo. Hindi naman ako matagal nawala, ah?” nakangiti pero may halong saya na wika ko.

“Luh, ang tagal kaya ng tatlong buwan, ma’am! Na-miss ka namin!” masayang sagot nung HR Manager.

Nang araw na iyon, imbes na magtrabaho ay nauwi