Kabanata 14

Alas-diyes na ng umaga nang dumating ang dalawang lalaki. Nasa library noon si Zam at nagbabasa ng libro. Nagbilin siya sa kasambahay na kapag dumating si Marco ay puntahan siya sa Library.

"Hello, my beautiful sister," bungad bati sa kanya ni Marco na kapapasok lamang sa main. Kasunod nito si Caleb, parehong matamis ang mga ngiti ng dalawa.

"Where had you been?" taas ang kilay na tanong niya, habang ang mga mata ay kay Caleb lamang nakatuon.

"We just had fun, brat," nakangising sagot ni Marco, na tinanguan si Caleb.

Lalong naningkit ang mga mata niya. "Saan nga kayo nagpunta?" naiinis na tanong uli niya.

"Nagkayayaan kami ng mga kaibigan namin kaya inumaga kami," kunot-noong sagot ni Marco.

"Himala yata at inuna mo ang ibang bagay kaysa sa mahal mong farm." Hindi niya naiwasang haluan ng sarkasmo ang tinig.

Lumapit si Marco sa kaniya at inakbayan siya.

"Mukhang mainit ang ulo ng kapatid ko," puna nito.

"Actually hindi pa ako natutulog." Iyon lamang at agad nang iniwan ang dal