Chapter Thirty-Two : Anniversary

Nasa kusina ako ngayon at nagluluto. Hindi pa gising ang mga bata lalo na si Damon. Napatingin ako sa oras, alas sais pa naman ng umaga. Medyo maaga pa. Ang gising ngayon ay mga taga bantay sa mansion.

Nagtataka nga akong hindi ko nakita si Sawyer simula nung nakita kami sa kwarto. Eh noon pa man ay palagi siyang andito.

Pagkatapos kung magluto ay pumunta muna ako sa kwarto ni Sawyer. Gusto ko lang siyang kamustahin dahil hindi kasi normal ng hindi siya nagpapakita sa 'kin. Hindi rin iyon aalis pag hindi siya nagpapaalam sa 'kin lalo na sa mga bata.

"Ma'am?" Napatingin ako sa likuran ng nakita ko ang kasama ni Sawyer. "Sinong hinahanap niyo ma'am?"

"Ah-h, si Sawyer po nasaan?" Takang tanong ko.

Napakamot naman ito sa batok. "Nako ma'am, hindi ko nga alam. Kahapon rin namin hindi nakita si Sir. Nagtataka nga kami."

"Sige, hahanapin ko na lang ho." Aniko tsaka nagpasalamat.

Saan kaya nagpunta ang lalaking 'yon?

Nang nakarating ako sa pinto ng kwarto niya ay agad ko itong kinatok pero wa