Chapter 14

"Ate, kailan daw ako makakalabas?" bungad agad ng kapatid niya pagpasok pa lang niya.

Pilit siyang ngumiti at hinawakan ang pisngi ni Rica. "Bunso kasi kailangan magaling na magaling ka na kapag lumabas ka dito, eh. Kaya sa ngayon ay hindi pa tayo pwedeng umalis, ha? Alam kong nabuburyong ka na, alam kong gusto mo nang umuwi pero sandali na lang, ha? Gusto kasi ng Ate healthy ka na paglabas mo."

Kita niya kung paanong nawala ang ngiti sa labi ni Rica at kung paanong nalaglag ang balikat ng kapatid bago ito humiga at nagtalukbong ng kumot. Napabuntong-hininga na lamang si Coreen at bumaling sa tiyahin na hindi pa nagsasalita mula kanina.

"Tiyang bakit ang tahimik niyo?" umupo siya sa tabi ng tiyahin.

"C-Coreen kasi.."

"Bakit po? Kulang na po ba ang panggastos niyo? Teka lang po." Kukuha na sana siya ng pera sa bag niya nang hawakan siya sa kamay nito kaya naman natigilan siya at napatingin sa tiyahin.

"Coreen, sorry! Kinuha ng Tiyuhin mo 'yung binigay mong panggastos para sa linggong i