Chapter 47

BRIANNA

Nakatatlong araw na ako sa bahay ni Dean at kahit paano ay nagagalaw ko na ang aking paa na naka-cast. Sa loob ng tatlong araw na iyan ay hindi ko pa nakikita na nagpupunta sa bahay ni Dean si Bridget. At sa loob din ng tatlong araw na iyan ay minsan ko lamang makita si Dean. Feeling ko ay iniiwasan niya ako. Hindi naman kasi kailangang magpakita pa sa akin ni Dean dahil may babaeng nag-aalalaga naman sa akin. Stay-out na kasambahay niya ngunit dahil nandito ako sa bahay niya kaya pinakiusapan niya ang kasambahay niyang si Aling Lena na doon muna matulog hangga't hindi ko pa kaya ang aking sarili.

Pero okay na rin 'yon na hindi ko masyadong nakikita si Dean. Hindi ko naman kasi alam kung ano ang sasabihin ko sa kanya. Nahihiya rin akong makita siya at magpasalamat sa kanya dahil sinungitan ko siya the last time na nag-usap kami. Baka iniisip niyang napaka-ungrateful ko dahil hindi nga ako nagpasalamat sa ginawa niyang pagtulong sa akin ay sinungitan ko pa siya.

Sa kalagayan ko