DEAL WITH THE TYCOON BILLIONAIRE C46

CONNOR CAYDEN...

Walang nagawa ang asawa kundi ang maupo at sumabay sa kanila sa pagkain. Nakikita n'ya na nanginginig ito at nag-aalala s'ya para rito kaya hindi n'ya pinahintulotan ang asawa na mawala sa kan'yang paningin.

Tahimik s'yang kumakain ngunit panaka-naka ay nakikipag-usap sa mga bata at kay Amera. Halos hindi n'ya maialis ang kan'yang mga mata kay JM na tahimik na kumakain sa dulo. Malayo ito sa kanila at hinayaan n'ya na lang iyon dahil alam n'ya na hindi ito komportable sa kan'yang mga bisita.

Nakaramdam s'ya ng galit kanina sa sinabi ni Amera na ang mga kasambahay ay hindi kumakain kasama ang mga amo. Gusto n'yang ipagsigawan sa pagmumukha nito na hindi katulong ang sinasabihan nito na kasambahay kundi asawa n'ya.

Ngunit ng mapatingin s'ya kay JM ay nakita n'ya sa mga mata nito na parang pinipigilan s'ya sa kan'yang gustong sabihin kay Amera kaya itinikom n'ya na lang ang mga labi at pinigilan ang kan'yang sarili na magsalita.

"How's your business by the way, love? Mu