CHAPTER 70

NALIE ATHALIA...

Nilabanan n'ya ang mga senaryo at mga boses na naririnig n'ya sa kan'yang isip. Hindi na s'ya magpapadaig pa rito. Kailangan s'ya ni Khairo ngayon at kailangan n'yang makaalis agad para puntahan ang kan'yang anak sa Germany.

Pinulot n'ya ulit ang kan'yang cellphone na nabitawan at narinig n'ya ang boses ni Peter sa kabilang linya na tinatawag ang kan'yang pangalan. Hindi pa pala nito pinatay ang tawag at nanatili pa sa kabilang linya at hinihintay s'ya na makausap ulit.

Kinalma n'ya muna ang sarili bago kinausap ang kaibigan.

Nagpasya din s'ya na mag book agad ng ticket patungo sa naturang bansa. Sobra-sobra ang kan'yang pasasalamat dahil may taong handang tumulong sa kanila ni Khairo.

Hindi sila pinabayaan ng nasa taas. Ibinigay nito ang kanilang hiling at hindi sila iniwan ni Peter.

Habang iniisip ang mga bagay na iyon ay naalala n'ya ang apelyedo ni Peter at doon n'ya lang napansin na isa din palang Carson ang kan'yang kaibigan.

At naalala n'ya noong sinundan s'y