CHAPTER 77

NALIE ATHALIA...

Matapos mahimasmasan sa pagkagulat sa mga sinabi ni Peter ay nagpaalam ang kan'yang kaibigan na magpapahinga saglit. Naiwan s'yang mag-isa na magulo ang isip at hindi alam kung saan magsisimula dahil sa sobrang dami ng mga palaisipan sa kan'ya sa isang araw lamang.

Ayon kay Peter ay tumagal daw ng halos anim na oras ang procedure ng pag transplant ng bone marrow kay Khairo mula kay Adrian. Nagulat pa s'ya ng malaman n'ya na ganon pala s'ya katagal na walang malay.

Hindi n'ya man lang nabantayan ang kan'yang mag-ama habang nasa loob ng operating room. Ang hindi n'ya maintindihan ay kung bakit s'ya nawawalan ng malay sa tuwing may mga imahe at senaryo na bigla na lamang lumilitaw sa kan'yang balintataw.

Doctor s'ya at hindi lingid sa kan'ya ang mga ganitong kaso ng isang tao ngunit natatakot lang s'ya na aminin sa kan'yang sarili na may ganon s'yang sakit.

Kailangan n'ya munang alamin ang lahat ngunit hindi muna sa ngayon dahil kailangan n'ya munang unahin na alagaan a