CHAPTER 76

NALIE ATHALIA...

Pakiramdam n'ya ay namanhid ang kan'yang buong katawan at hindi n'ya alam kung bakit.

Dahan-dahan n'yang iminulat ang mga mata at inilibot n'ya ang tingin sa paligid. Puro puti ang bumungad sa kan'ya na ikinakunot ng kan'yang noo dahil nagtataka s'ya kung bakit nasa puting kwarto s'ya.

"Ano ang nangyari?" mahinang tanong n'ya sa sarili.

Ilang minuto pa muna na nakatunganga s'ya bago naging malinaw ang lahat sa kan'ya. Agad s'yang napabalikwas ng bangon ng maalala ang lahat.

"You're up!" ang boses ng isang babae ang kan'yang narinig. Inilibot n'ya ang tingin at ang babaeng doctor ang bumungad sa kan'ya.

"Nasaan ako? Anong nangyari?" tanong n'ya rito habang nakakunot ang noo dahil sa pagtataka.

"Nawalan ka ng malay kaya ka pinapasok dito peanut," sagot nito at tumayo sa pagkakaupo at lumapit sa kan'ya.

Narinig n'ya ang pagbuga nito ng hangin habang papalapit sa kan'ya. Tumayo ito sa kan'yang harapan habang mariin na nakatingin sa kan'yang mukha.

"I told you peanut, do