CHAPTER 111

NALIE ATHALIA...

Limang araw na simula ng mailibing ang kan'yang ina. Umuwi na din sina mang Berto at aling Perlita at naiwan s'yang mag-isa sa bahay nito.

Wala s'yang ganang kumain at palagi na lang umiiyak sa araw-araw sa tuwing naalala n'ya ang kan'yang nanay. Hindi n'ya pa rin matanggap na wala na ang pinakamamahal n'yang ina.

Na mag-isa na lamang s'ya sa buhay ngayon. Limang araw na s'yang nagluluksa at nagkukulong lang sa kwarto. Wala s'yang ganang kumain at kumilos dahil kahit saan s'ya tumingin ay nakikita n'ya ang kan'yang ina sa kahit saang sulok ng bahay ni mang Berto.

Nauuwi lang palagi sa paghagulhol ang lahat dahil wala naman s'yang magagawa. Kahit anong gawin n'ya ay tapos na ang lahat. Hindi n'ya na maibabalik pa ang buhay nito.

Gusto n'ya mang ayusin ang buhay dahil naisip n'ya na may ama pa s'yang kailangan na tulongan ngunit hindi n'ya magawa sa ngayon.

Hindi n'ya pa kaya, siguro ay bibigyan n'ya na lang muna ang kan'yang sarili ng sapat na panahon para matanggap