BILLIONAIRE'S FATE CHAPTER 84

ABRIELLE DEE...

Ilang araw na silang nakauwi at sa loob ng ilang araw na iyon ay wala s'yang ginawa kundi ang libutin ang buong mansyon ng mga grandparents n'ya. Napakalaki ng nasasakupan nito ngunit hindi iyon nagpapigil sa kan'ya na libutin ang kabuoan ng mansyon.

Pati sa labas ay hindi n'ya pinalagpas at ginawa n'ya itong exercise araw-araw. Ang kan'yang lola naman ay naging maayos-ayos na ang pakiramdam ngunit hindi pa rin maipagkakaila na sa paglipas ng mga araw ay humihina na ang katawan nito.

Ngunit hindi n'ya ito nakitaan ng lungkot sa mga mata sa nalalapit na pagkawala sa mundo bagkus ay maaliwalas pa ang mukha ng matanda sa pagdaan ng mga araw.

Katulad na lang ngayon na nasa garden ito at nagpapahangin na may ngiti sa labi habang binabantayan ng private nurse. Nagpasya s'yang lapitan ang matanda para samahan sa pagpapahangin.

"Angay," tawag n'ya rito ng makalapit. Bahagya s'ya nitong nilingon at ng makita s'ya ay agad na sumilay sa labi nito ang isang matamis na ngiti