CHAPTER 46

AUDREY PRISCILLA...

Pagkatapos n'yang mamitas ng gulay ay bumalik na s'ya sa kan'yang bahay-kubo. At ng mapadaan s'ya sa papag sa harapan ng kan'yang bahay ay wala na si Tres

Nagsalubong ang kan'yang kilay na inilibot ang kan'yang tingin sa paligid ngunit hindi n'ya nakita ang lalaki.

"Nasaan na yon? Ang bilis naman na nawala! Hmmmmm! Mabuti nga yan para wala ng manggugulo sa akin," pagkausap n'ya sa sarili bago pumasok sa loob ng kan'yang kubo.

Dumiretso s'ya sa kusina para magluto. Hindi n'ya alam kung saan pumunta si Tres at sa isip n'ya ay baka umalis na ito kaya naman ay nakahinga s'ya ng maluwag.

Sinimulan n'ya na ang pagluluto dahil gusto n'ya na rin na magpahinga ng maaga. Bukas ay maaga pa s'ya dahil balak n'yang magdamo sa kan'yang mga pananim bukas.

Pagkatapos ng kan'yang tinola ay isinunod n'ya naman ang kan'yang paksiw. Natatakam na s'ya na makahigop ng sabaw kaya habang sinasalang ang paksiw ay naghain na s'ya ng kan'yang haponan.

Nagsandok s'ya ng kanin at isda at naupo