CHAPTER 42

AUDREY PRISCILLA...

Kahit nagtatapang-tapangan s'ya ngunit hindi n'ya pa rin mapigilan ang sarili na matakot ng makita ang galit sa mga mata ni Tres habang nakatingin kay Ben.

Si Ben ay anak ng nagtitinda ng karne sa loob ng palengke. Nakilala n'ya ito dahil minsan na s'yang nakabili ng karne sa tindahan ng mga ito at ang binata ang nagbabantay.

Simula noon ay naging magkaibigan na silang dalawa at ito ang madalas na tumutulong sa kan'ya kapag marami s'yang paninda.

At kilala n'ya ang ugali ni Tres kaya natakot s'ya na baka saktan nito si Ben ng dahil sa kan'ya kaya agad n'yang pinaalis ang binata at sinabi na ayos lang s'ya.

Mabuti na lang at sumunod naman si Ben sa kan'ya kahit may pag-alinlangan. Umalis ito at iniwan silang dalawa ni Tres. Nagbuga s'ya ng hangin at hinamig ang sarili. Hindi n'ya dapat pinapakita kay Tres na takot s'ya rito.

Wala na itong karapatan sa kan'ya sa kabila ng lahat ng mga ginawa nitong pasakit kahit alam naman nito na buntis s'ya.

"Audrey!" tawag