CHAPTER 27

AUDREY PRISCILLA...

Tatlong araw ng hindi umuuwi si Tres sa bahay nito at nag-aalala na s'ya kahit wala naman itong pakialam sa kan'ya.

Hindi n'ya pwedeng balewalain ang asawa kaya tatlong araw na din s'yang wala masyadong tulog dahil sa kakaisip kay Tres. Gustong-gusto n'ya ng magtanong sa kan'yang mga byenan ngunit nag-aalala s'ya na baka magalit na naman ang mga ito kay Tres kapag nalaman ng mga ito na hindi umuwi ng tatlong araw ang lalaki.

Ayaw n'ya na ng gulo kaya hangga't maaari ay ayaw n'yang ipaalam sa mga ito ang nangyayari sa bahay ng lalaki.

Nagpakawala s'ya ng hangin at pinilit na ibaling sa ibang bagay ang kan'yang atensyon ngunit pagkalipas ng ilang minuto ay babalik at babalik pa rin s'ya sa kakaisip kay Tres.

Wala sa sarili na hinaplos n'ya ang kan'yang t'yan kung saan ay nararamdaman n'ya na ang umbok nito. Napangiti s'ya ngunit sa likod ng ngiting iyon ay ang masakit na katotohanan na s'ya lang ang may gusto sa kan'yang anak.

"Patawarin mo si nanay anak kung hindi k