Chapter 2

“Hello po Doc Velasquez, may pasyente po ba kayong Jane Amanda ang pangalan po?” tanong ko sa kabilang linya. Siya ang kilalang Doctor sa isang pampblikong ospital dito sa San Carlos. Kababata siya ng aking ama at siya rin ang family Doctor namin. Mas gusto niyang magtrabaho sa pampublikong ospital dahil gusto niyang tumulong sa mga mahihirap.

“Meron iha.” maikling sagot nito.

“Bakit mo nga pala naitanong iha? May problema ba sa kanya?” sunud-sunod niyang tanong.

“Pakibill po lahat sa akin ng gastos nila Doc.” agad kong sagot sa kanya.

“Iha kilala mo ba sila at nasabi mo yan. At saka saan mo naman nalaman ang tungkol sa bagay na ito?” nag-aalalang tanong ni Doc. Ikinwento ko sa kanya ang bunog nangyari at pumayag naman ito sa aking desisyon.

“Maraming salamat po Doc.” sabi ko at agad kong tinapos ang aming tawag. Hindi na ako nakapagshopping dahil sa bilis ng takbo ng oras kaya nagmamadali na akong bumaba sa parking lot upang bumalik na sa opisina.

Naabutan ko si ate Rachel na may kausap sa telepono at tumango lang ako tsaka ko siya nilampasan. Si ate Rachel ang aking sekretarya at siya rin ang kasa-kasama ko sa opisina kapag nag-oovertime ako sa trabaho. Hindi niya ako iniiwan hanggang sa matapos ako sa trabaho. Tinuring ko na siyang ate ko dahil mas matanda siya ng 10 taon sa akin. Meron na rin siyang dalawang anak at parehong nasa sekundarya. Siya rin minsan ang pinagsasabihan ko ng aking problema kung wala akong time na pumunta kay Gemma. Si Gemma ang pinakamatalik kong kaibigan at kababata ko rin siya.

“Ma’am parating na po yong kameeting niyo ngayon. Nagsabi rin po pala ang mama mo na umuwi ka kaagad pagkatapos ng meeting niyo. May importanteng bagay daw po kayong pag-uusapan.” sabi ni ate Rachel.

“Sige po ate maraming salamat. Pakihanda nalang po yong conference room. Susunod po ako.” tugon ko sa kanya. Inihanda ko na ang mga papeles na kakailanganin ko sa meeting at sumunod na ako kay ate Rachel. Nabigla ako dahil di ko inaasahan na ang makakameeting ko ay walang iba kundi si Aldrin John Villafuerde, CEO ng Villafuerde Group of Companies.

“Aldrin ikaw pala, upo ka.” sabay kong tinuro ang upuan. “Ikaw na pala ang namamahala sa J’s Enterprise. Noong isang buwan pa kase napaso ang kontrata nito pero ngayon lang ulit sila nagsabi ng renewal niya.” saad ko dito habang inilalabas ang kontrata.

“Nagkaproblema kase ang dating humahawak nito kaya pinasa ito sa akin last week lang. Siya nga pala, kumusta na si Jess?” pag-iiba niya sa usapan namin.

“Ayon okay naman na siya, nag aadjust sa kanyang studio. Sana lang magfully recover siya.” sagot ko sa kanya habang nakatuon ang mata ko sa binabasa kong kontrata. “Pipirmahan ko na ito, nabasa ko naman na at okay na ito. Kailangan ko kaseng umuwi agad pagkatapos nito. May importanteng pag-uusapan daw sa bahay eh.” sabi ko rito sabay pirma.

“Sige, mag-ingat ka sa pag-uwi.” sagot naman nito. Biglang tumunog ang cellphone nito.

“Hello.”

“Sige pa, punta na po kami jan.” sagot nito sabay baba ng cellphone niya.

“Salamat, mauna na ako sayo. Ingat ka rin, bye.” tatalikod na sana ako ng bigla niya akong hinawakan sa kamay.

“Si papa ang tumawag at pinapapunta ako sa bahay niyo. May sasabihin daw sila. Tara, ako na hahawak ng bag mo.” sabay kuha ng bag ko.

“Salamat.” maikling sagot ko sa kanya. Siya na ang nagmaneho dahil parang sobra akong napagod sa di ko malamang dahilan. Walang umiimik sa aming dalawa hanggang sa nakarating kami sa bahay. Pagdating namin ay nandoon lahat sina mama at papa apti na rin ang kanyang mga magulang. Kararating lang din ni Jess at mukhang excited sa di ko alam na dahilan.

“Oh ano yang mukha mo?” nagtatakang tanong ko sa kanya. Bigla nalang itong tumawa ng malakas sabay buhat sa akin. “Yes yes yes, magkakatuluyan na kayo ni kuya AJ.” sigaw nito na ikinabigla naming lahat. Oo malapit kami ng kapatid ko at alam niya lahat ng sikreto ko, ganun din ako sa kanya.