The Broken Vow-Chapter 24

BENRICK’S POV

3 years later…

PAGKALAPAG ng chopper sa helipad na pinasadya kong ipagawa sa bahaging iyon ng kasukalan ng San Remigio ay kaagad kong dinayal ang numero ni Ayeisa– ang kakambal ko. Maghahatid lang ako ng perang kailangan niya.

Kalahating oras pa akong naghintay sa maliit na kubong naroon bago dumating ang kapatid ko. Dapat sa bayan kami lalapag kaso baka makita ni Kuya King ang chopper namin. Kilala niya ito dahil ilang beses na niyang nahiram noon.

“Benrick!”

“Kuya,” pagtatama ko.

“Benrick nga lang, e,” aniya.

Marahas na lang akong napabuntonghininga. Minsan tuloy napagkakamalang siya ang mas matanda sa akin.

“Kumusta?”

“Eto, super pagod. Baka gusto mo nang bumalik, huh? Maawa ka naman sa akin, Ayeisha. Napapag-iwanan na ako ng mga kaibigan ko.” Paulit-ulit ko kayang sinasabi ‘yan sa kakambal. Saka nami-miss na namin siya pati ang pamangkin ko.

Tumawa lang siya. “Malapit na. Hinihintay ko na lang ang year end nila Halina tapos balik na ako.”

“Yeah, nabanggit